Shillong, Naiwieng 01: U Myntri Rangbah duh jong ka Ri India u Narendra Modi mynta ka sngi u la phah ia ka khubor sngewlem sha kiba ha iing ha sem halor ka jingkhlad noh u Devender Singh Rana u MLA ba dang shu jop ia ka elekshon na dang shudep ha Jammu bad Kashmir.
Ha ka khubor sngewlem u myntri rangbah duh jong ka Ri India u la ong ba ka jingkhlad syndet jong u Devender Singh Rana ka long kaei kaei kaba sngewkyndit bad u la ai ka burom iaka jingtrei shitom na ka bynta ban kyntiew ia ka Jammu bad Kashmir.
U MLA bala khlad dang shu jop ia ka elelshon sha ka iing dorbar thawain hapoh ka Union Territory ka Jammu bad Kashmir bad ha kane ka bynta u la don ia ka bynta kaba ha khmat ban kyntiew ia ka party BJP, u phah ia kane ka khubor sngewlem sha kiba ha iing ha sem bad ki nongkyrshan.
