Shillong, Naiwieng 01: U bah Lamphrangsngi Kharbani president ka ka seng HANM u la pyntip ba la ioh jingbit na ki pulit jong ka nongbah Delhi ba kin pynlong biang ia ka jingiakhih ha Jantar Mantar ban dawa na ka sorkar pdeng ban pyntrei kam ia ka ILP bad ban pynrung ia ka ktieh Khasi bad Garo ha ka khyengit kaba phra ka riti synshar ka Ri India.
Haba kren ha ki lat pathai khubor mynta ka sngi ha Shillong Press Club la ong ba ka jingiakhih kan long ha ka 25th /Rymphang/2025, ka seng kala pan shuwa katei ka por hynrei namar kan don ka elekshon ha Delhi kila ai noh ha katei ka sngi.
La ong ba ka seng ka don ka jingkyrmen ba ka sorkar pdeng kan sngap ia kane ka jingdawa lano kan long kimtip hynrei kin dang iai bteng ban ia khih ban dawa ia kaba ka jylla bad ka jaidbynriew ka don kam.
U president ka HANM, u ong ba ia kane ka kam ILP bad ban pynrung ia ka ktien khasi bad Garo ka dei jong ki paidbah ka jylla ymd ei ban ia don party ne seng dei ban ia treilang bad ban ia kyrshan lang khang ba ka sorkar pdeng kan sngap ia ka jingdawa.
Ha kane ka jingleit sha Delhi mynta kila ia kynduh ia u Rakhesh Sinha MP Rajya Sabha ka BJP ba die peit ia ka North East bad ha ka jingiakynduh kila ai kotpi iaka dorkhas kaba la ai sha ka President ka Ri India, Myntri Rangbah duh, myntri kam poh iing bad kimyntri kiba dei na North East.
Ha kane ka jingiakren u MP u la ai ka jingkular ba sa kren ia kine ki mat un sa iakren hapoh ka Kommittee bad u la kular ban sa wan sha Meghalaya ban ia kren iakane ka phang kham bniah bad ka seng ka kren shai ba ka jingdawa ia ka ILP ka long ban khanglad ia ka jingwan kyrthep ki Bangladesh.
