Shillong, Naiwieng 01: ka balang Katholik kala buh kyrpang ia u bnai Naiwieng kum u bnai ban kynmaw bad ban duwai lem na ka bynta kiba ha iing ha sem kiba la khlad noh kiba dang don kam ia ka jingduwai lada kim pat poi ha dwar u blei.
Ia kane ka sngi shitarik jong u bnai Naiwieng man la u snem la kiew kum ka sngi kynmaw burom ia baroh ki mynsiem kiba la khlad noh bad ha u ne u bnai la kyrkhuh ia ki lum jingtep ban kynmaw ia kiba la khlad noh.
Man la u snem la iohi ba ha kane ka nongbah Shillong khamtam ha Motphran, Laitumkhrah ka don ka jingdie ia ki syntiew ha kaba kito kiba don ha ka niam katholik kila thied ban bun ha ki lum jingtep jong kiba ba ieit ba thoin.
La bun snem mynta na ka liang jong ka Balang Katholik kala khang ban buh ia ki syntiew kiba shu shna naki kot ne ki plastic, la bthah ia baroh ki paid riew ngiet ban buh beit da ki syntiew kiba im lada ki ioh ka lat.
