Shillong, Naiwieng 01: Ka Rev JJM Nichols Roy Memorial Committee ha ryngkat ka jingiatrei lang bad ka Khasi Hills Autonomous District Council (KHADC) mynta kala rakhe kynmaw burom ia ka lyngkhuh sngi iap ba 65 snem ka jingkhlad noh u Rev JJM Nichols Roy ka ba la pynlong ha phyllaw jong ka KHADC.
Ha kane ka jingialng ba lyngkot la wan ban ia don lang da u CEM ka KHADC u bah Pyniaid Sing Syiem kum u kongsan haryngkat ka jingdon lang u bah PN Syiem Deputy CEM, ki pastor ka balang u Blei Meghalaya bad Assam bad ki dkhot ka Rev JJM Nichols Roy Memorial Committee.
Ha ba ai jingkren ha kane ka jingialng u bah Pyniaid u la ong ba ha ba ngi phai dien sha ki snem jong ka jingioh ia ka District council bad tang ha u snem 1959 u Rev JJM Nichlos Roy u la khlad noh na kane ka sla pyrthei. U la ong ruh ba ka jingdon jong ka District council kala long ka jingkyrkhu ia baroh ki riewlum.
U la ong ruh ba ha ba pyrkhat ban wanrah kat ia ka District council ka la long ka daw ba u Rev JJM Nichols Roy u la dei ban ioh ia ka jingkynmaw pateng la pateng wat la um don shuh ha kane ka sla jongka pyrthei.
Ha kane ka sngi la ioh ruh ia ka jingkren na u deputy CEM ka KHADC u bah P N Syiem u ba ban ba ka jingdon kam bad ka jingstad jong u Rev JJM Nichols Roy ban wan rah ia ka District council bad ki kam ki b akum ki district council ban shna ia ki ain bad ki rules ki ba lah ban iada ia ki ritpaid riewlum.
Hakane ka sngi la ioh ruh ia ka jingbuh syntiew ha u mot dur jong u Rev JJM Nichlos Roy u ba don ha Phyllaw jong ka KHADC.
