Ampati, Naiwieng 04: Ki paidbah nongshong shnong jong ka shnong Boldamgre ha South West Garo Hills District ha ka por kumba 6 baje mynstep ei ei kila ioh ban kem 7 ngut ki khar Bangladesh kiba la wan rung sha India.
Ki hynniew ngut kiba la sha kem ha ki paidbah ka shnong Boldamgre ki long u Angur Hussain Afrib 20 snem, u Amir Ali 35 snem, u Chand Miah 60 snem, u Md. Bukul Mia 32 snem, u Mir Jahan 45 snem, u Md. Rasel Ali 35 snem bad u Biblop Miah 35 snem baroh ki dei na Beparipara jong ka ri Bangladesh.
Iaki la aiti sha ki pulit jong ka Mahendraganj Police Station ha South West Garo Hills District , na kitei ki briew la ioh ban kurup mobile phone ka pisa Bangladesh ka Taka ki kot Bangladesh Pasport, ia ki la aiti nungkong sha ki pulit ba don ha Kalaichar Patrol Post police.
Na ka liang jong ki BSF, ki pulit bad ki nongshong ha khappud bad ka Bangladesh kala don ka jingiatreilang ban peit ba lada don ki briew kiba iaid ha khappud kiba la isuba ba ki dei ki khar Bangladesh dei ban bat ia ki.
