Shillong, Naiwieng : Ka jingpynkhreh pynkhrum ia ka jingialehkai kaba ar jong ka Ranji Trophy 2024-25 Elite Group A ha madan MCA ha Polo ka la iaid biang shakhmat, kaba ha kane ka kynti, ka kynhun ialehkai ka Meghalaya kan mih madan ban aireng pyrshah ia ka Jammu and Kashmir kabn sdang naduh ka sngi Balang jong ka taiew.
Kumba ka long, bna ioh ia ka lad ban wanrah ia kane ka lypung ialehkai ha la iing kam long satia ka kam kaba suk, kaba hangne donkam ia ki riew shemphang bad ki nongtrei ba kin hap ban trei minot da ki bun bun ki bnai, khnang ban lah ban pynlong ia ka madan ban pynialehkai kaba biang nadong shadong, kaba myta ka kynti, la ioh ia ka jingpyrto bha na ki bor ba dei khmih jong ka BCCI.
“ Ka long ka khyllipmat kaba kaba sngew sarong ban ioh ia ka jingpyrto na ka BCCI naduh ki Neutral Curators, Match Referees, Umpires bad kumjuh na ki nongialehkai na kiwei pat ki jylla, kaba kane ka madan ki don ia ktta ka jait madan kaba tip kum ka Table of 9 wikets ” la pynpaw u President ka MCA u Naba Bhatacharjee, ha kaba u la kam shuh shuh ba kitei baroh ki niew bad buh ia kane ka madan hapdeng ka kyrdan kaba 7 ne kaba 8 ha ka ri hi baroh kawei.
U Naba um lah ruh ban khlem da pyrto bad ainam ai burom ia la u jong u para dkhot katta u bah Peter J Lamare bad ia u Pobitro Rabha bad ki briew kiba la don kti lang ban lah ban saiñ dur bad pynlong ia kane ka madan kum ba ka dei ba kan long.
Kumba ka long ka Meghalaya ka la lah ha kaban pynlong lai tylli ki jingiakhun, kaba ka kynhun ialehkai ka jylla, ka la mih madan ban aireng pyrshah ia ki kynhun kiba la paw bad tbit bha.
Dei na kine ki lai tylli ki jingiakhun ba la shem bad iohi ba ka kynhun ka jylla ha baroh ki ar kylla jong ka jingialehkai ba ki la lah ban kamai 461 ron, kaba kren shai kdar ia ka dak jong ka jingsang ban tbit bad skhem bha ka batting, kampher wat lada dang don bun ki bynta kiba kum ka kynhun kan dang hap ban trei shitom naka bynta ban pyntbit ne ban pynjanai bha ialade.
Kumta mynta ki khmat kin phai pat sha ka sngi Balang jong ka taiew, kaba hangne ka suin bneng ka la kylla, ha kaba yn ia peit bad iohi ba haduh katno kine ki madan kin ialam, kaba lada shu ia swar lah ban ong ba kan ailad lang ia ki batsman bad kumjuh ia ki bowler.
