Shillong, Naiwieng 05: Ki pulit jong ka East Jaintia Hills District ha dien ba kila ioh jngtip ba ki don ki synduk kot ba la shong ha kawei ka iing jah ha ka shnong Punurkba kaba kim lah ban tip ki dei ki dei.
Haba la ioh ia kane ka jingtip ki pulit kila hiar sha katei ka shnong bad haba kila khynra ia ka iing la shem baki don shisha ki song bad haba la plie ia ki la lap ba dei ki dawai phensedyl kiba 100 ML ki pulit kila kurup ia kine ki dawai.
La iathuh ba baroh ki song kiba la lap ha kane ka iing jah ki song baroh ki arphew phra tylli bad haba la plie bad niew ia ki bilor ki don haduh 2,800 tylli, ia kine baroh la rah da ki pulit jong ka East Jantia Hills ban bteng shuhuh ia ka jingtohkit.
Ban kdew ba ka jingiakhaii ia kane ka dawai Phensedyl sha Bangladesh ka jur bha na East Jaintia Hills District bad ka jingioh kurup ia kine ki dawa ha katei ka thain ka long man ka por da ki BSF ha khappud bad ka Bangladesh.
