Shillong, Naiwieng 06: Ka Central Bureau of Communication, Shillong ha ka jingiatreilang bad ka Shillong Municipal Board, Sorkar Meghalaya kan pynlong ia ka jingpynkhuid Shramdaan-Cleaning Drive hapoh ka Swachhata Hi Seva Campaign ha ka 7 tarik u Naiwieng, 2024.
Ka thong jong kane ka prokram kaba long shi bynta ka prokram Swachhata Hi Seva kaba ar sngika dei ban ai jingtip shaphang ka jingkongsan jong ka jingkhuid bad ka jingsumar ia ka mariang, ha kaba ka kam kaba kongsan kan long ka jingpynkhuid ha Kyndailad (Police Bazaar).
Ha kane ka sngi, ka CBC Shillong ha ryngkat ka Sorkar Meghalaya kan pynlong ia ka jingialang paidbah ha ka jaka pynieng kali jong ka OB shopping mall. Hadien kane, kan don ka jingpynkhuid ha ryngkat ka jingiashim bynta jong ki briew kiba trei mon sngewbha.
Ka Ophis Municipal, CRPF, BSF, NCC, ki traidukan bad ki paidbah ha Kyndailad, Police Bazaar, Shillong naduh 7:30 bajemynstedp ha ka 7 tarik u Naiwieng 2024.
U Myntri ka Sorkar Meghalaya ba dei khmih ia ka tnad Fisheries, AH&Vety, Bah AL Hek u la mynjur ban wan iashim bynta ha kane ka prokram kum u kongsan. Yn pynkup burom ruh ia ki SafaiMitraha kane ka sngi.
Ki nongpyniaid ki la khot ia ka jingiashim bynta ki paidbah bad ki traidukan khnang ban pynurlong ia kane ka kam bad kot sha ka thong jong ka prokram.
