Shillong, Naiwieng 7:Ka Central Bureau of Communication (CBC), Shillong, ha ryngkat ka jingiatreilang bad ka Shillong Municipal Board, Sorkar Meghalaya, ka la pynlong ia ka Shramdaan- ka prokram jingpynkhuid kum shi bynta ka campaign Swachhata Hi Seva ha ka 7 tarik Naiwieng 2024.
Ia kane ka prokram la pynlong ha Khyndai Lad (Police Bazaar), kawei na ki jaka ba pawnam jong ka nongbah Shillong, bad ka jingthmu jong kane ka prokram kalong ban kyntiew jingtip shaphang ka jinglehkhuid, ka jingdon jingkitkhlieh ia ka mariang, bad ka jingiashim bynta paidbahkatkum ka Campaign Swachhata kylleng ka ri.
Ha kane ka prokram la sakhi ia ka jingashim bynta lang u Myntri ba dei khmih ia ka Tnad Animal Husbandry & Veterinary, Bah AL Hek, SDO (Sadar) AnendyaRaajsshre, Rangbah Shnong jong ka Dong Riatsamthiah, Bah MariahomKharkrang, Vice President jong ka Police Bazar Welfare Organisation, KK Jhunjhunwala.
Ki Samla pule shynrang bad kynthei jong ka Martin Luther Christian University bad St. Edmunds College nalor ki khynnah pule jong ka Jail Road Boys Higher Secondary School, ki shipai BSF bad CRPF, Meghalaya Fire and Emergency Services, ki nongdie dukan, ki nongdie jingdie harud surok, ki nongpynkhuid jong ka Shillong Municipal ki la iashim bynta shitrhem ha kane ka prokram kaba la neh baroh shi sngi.
U Myntri ba dei khmih ia ka Tnad Fisheries jong ka jylla Bah A.L Hek u la pliepaidbah ia ka jingialang kum u Kongsan. Ha ka jingai jingkren jong u, u Bah Hek u la ban jur halor ka jingkongsan jong ka jinglehkhuid bad iarohia ka jingiatreilang bad ka jingiashim bynta jong baroh ha kane ka prokram jingpynkhuid.
U la ai ka jingithuh ruh ia ki sienjam jong u JiwatVaswani, ubadalademarwei u la sumar ia ki bynta ba iadei bad ka mariang ha ki bynta bapher bapher jong ka nongbah Shillong. “U long u nongrahktien ba shisha na ka bynta ban pynlong ia ka nongbah jong ngi kaba khuid,” la ong u Myntri.
Haba kren shaphang ka ritidustur jong ka jinglehkhuid kaba la don lypa ha ka nongbah, u Bah Hek u la ong, “Ka nongbah Shillong ka long kaba khuid namar ka jinglehkhuidkadei shi bynta ka parampara(ka dustur) jong ngi.
Ha ki iing mynshuwa, ngi ju buh ki jaka ba kyrpang ban bret ia ki niut bad ngi khmih hi dalade ia kane. Kane ka dustur jong ka jinglehkhuid ka wan na ki jingngeit tynrai jong ngi, bad kadei ka kamram jong ngi ban rah ia kane shakhmat.”
U la kren shaphang ka nuksa ba la buh da ka shnong Mawlynnong, ka shnong kaba khuidtam ha Asia, ha kaba man u nongshong shnong u don la ka bynta ban pynnehia ka jingkhuid. “Lada ma ngi, kum ki nongshong shnong jong ka nongbah Shillong, ngi don kum kane kajuh ka jingmut bad sngewtrai ia ki sawdongsawkun jong ngi, ngi lah ban pynlong ia kane ka nongbah kaba khuid tam ha ka ri,” u la ong.
U Bah Hek u la iaroh ia ki sienjam jong ka Editor jong ka The Shillong Times, Kong Patricia Mukhim kaba la shim ia ka jingkitkhlieh ban pynkhuid ia ka wah kaba pawnam ha nongbah Shillong kum ka nongjopPadmashree ka dang trei shitom ban pynkhuid ia ki wah ha ka nongbah.
Ha ka jingpynkut ia ka jingkren, u Bah Hek u la pynshlur ia baroh ban bud ia ka nuksaSwachh Bharat mission jong u Myntri Rangbah Duh Narendra Modi, da kaba ban jur ba ka Shillong kaba khuid ka lah ban urlong lyngba ka jingiatreilang ki nongshong shnong jong ka.
Ha ka jingai jingkren ha ka jingialang, u P. K Boro, CEO jong ka Shillong Municipal Board , u la bah jur ba ka jinglehkhuidkadei ka jingkitkhlieh lang jong baroh ki nongshong shnong.
U la ong, “Ka jingbret ia ki niut bad ka jingpyniaid kam dei tang ka jingpeit jong ka municipal, kadei ka jingkitkhlieh jong baroh. Ka por ka la dei ban pynkylla ia ka jinglong ka jong ngi. Baroh kito kiba don bynta ha ka kam, khamtam kito kiba don ha Police Bazaar, ki donkam ban shim ia ka sienjam bad ban long ka nuksa.
Lada ia ka shnong kum ka Mawlynnong lah ban tip kum ka shnong kaba khuid tam ha Asia, ma ngi ruh ngi lah ban don ka thong ban ioh ka jingithuh kum ka jylla kaba khuid tam ha ka ri, bad ha ka pyrthei.”
U Rangbah Shnong jong ka Riatsamthiah, Bah M Kharkhranguba la iashim bynta lang ha ka jingpynkhuid, u la bynrap ba man ka por haba iakren shaphang ka jinglehkhuid, ka jingphaikhmat ka long sha ki kynhun sorkar.
“Ngi klet ba ma ngi, kum ki nongshong shnong, ki nongiaid lynti, bad ki nongdie dukan, ruh ngi don ka bynta kaba khraw ha kane ka kam. Ngi la ioh ia ka jingkyrkhu jong kane ka rilum, hynrei ngi la nohsynniang ruh sha ka jingpynjakhlia ia ki jaka kum ka PungUmiam.
Ka sorkar, ha ka jylla bad sorkarpdeng, ki la shim shibun ki sienjam, bad la sdang ia ka Swachh Bharat Mission da u Myntri Rangbah duh jong ngi Narendra Modi kalong kawei na kum kine ki nuksa. Hynrei ka jingjop jong kine ki sienjam ka shong ha ngi kum ki nongshong shnong,” u la ban jur.
U Bah Kharkhrang u la batai shuh shuh, “Nga la sakhidaladekumno ki nongtrei jong ka Municipal, ki shipai CRPF, BSF, Jiva Cares bad kiwei kiwei kiba trei mon sngewbha ki trei ban pynkhuid ia ka nongbah, hynrei tang shiteng sngi, ki surok ki la dap biang da ki jabohjabain.
Ka sorkar ka lah ban leh tang katto katne. Ban iohiia ka Shillong kaba khuid, ngi donkam ban sdang nalade. Ka shong ha man u briew ban shim ia ka jingkitkhlieh. Ka sienjam kaba rit, kaba kiar ban bret ia ka plastic, ka lah ban wanrah ka jingkylla kaba heh.”
“To ngin nym peit tang sha ki kynhun sorkarhynrei ngin long ruh ki nongiatreilang ha kane ka thong ban pynkhuid ia ka nongbah jong ngi,” u la pynkut.
U Vice- President jong ka Police Bazar Welfare Organisation, Dr. K.K. Jhunjhunwala, u la ai khublei ia ka CBC Shillong kaba la pynlong ia kane ka prokram bad pynpaw ka jingngeit skhem ba kum kine ki prokram kin wanrah ka jingsngewthuh hapdeng ki nongshong shnong jong ka thain. U la mynjur ia ki jingeh ha Police Bazaar hynrei u la ong ba ka jingkhuid kalong ka jingeh kaba khraw ba lah ban weng lyngba ki jingiatreilang.
“Ma nga, kum u nongshong shnong jong ka Police Bazaar, nga lah ban pynthikna ba ka kynhun jong ka Municipal ki trei shitom ha ki por mynstep phyrngap ban pynkhuid ia ka shnong. Hynrei, ka jingeh ka mih haba ki nongdie jingdie harud surok bad kiwei kiwei ki wan, bad ka jingbretpathar ka sdang. Ka por ka la dei ia ki nongdie jingdie harud surok, ki paidbah, bad ki nongjngohkai ban long kiba don jingkitkhlieh. Ki SafaiKaramchari jong ngi kidei ki riewshlur kiba trei shitom ban pynkhuid ia ka nongbah jong ngi,” u la ong.
Hashuwa ka jingialang, u Myntri Bah AL Hek u la pynkup burom ia 7 ngut ki SafaiMitra. Shuh shuh la sam khusnam ruh ia ki khynnah pule jong ka Jail Road Boys Higher Secondary School kiba la iashim bynta ha ka jingiakop thoh Essay kaba iadei bad ka phangJinglehkhuid.
Kum shi bynta ka sienjam, la sam ruh ia ki cheque sha ki nongdie jingdie harud surok hapoh ka skhim PM SVANidhi, kaba thmu ban kyrshan ia ki nongdie jingdie harud surok ha ka jingkhyllie ia ka ioh ka kot jong ki.
La pynlong ia ka Health Screening Camp da ka District Medical & Health Officer ha katei ka jaka, ha kaba la ai ka jingsumar ei ia bun ki nongshong shnong. Nalor kane, ka Aadhar Camp ba la pyniaid da ka Unique Identification Authority of India (UIDAI) ka la khringia ki briew kiba kwah ban pynthymmai lane shim ia ka Aadhar card.
Ka Meghalaya State Rural Livelihood Society ka la plieia ki mobile unit ha katei ka jaka, bad ki briew ki la ioh lad ban thied ia ki tiar shna kti, bad kyrshan ia ka kamaikajih jong ki nongshna tiar ha ka thain.
Ka la don ka flash mob da ka Meghalaya Warriors Dance Academy halor ka phangjinglehkhuid ha kaba ki nongshad ki la pynsaphriangia ka khubor ban pynlong ia ka sawdongsawkum kaba khuid.
La pynkutia ka prokram da ka put ka tem ha kaba ka kynhun tem na ka thain ka “Sob Rock” ka la pynshongshit ia ki paidbah.
