Shillong, Naiwieng 11: Ka Meghalaya Co-operative Apex Bank Ltd. (MCAB) kala ioh ia ka kyrdan ba lai bal ah ban pyntrei kam bha ha baroh ki liang jong ka jingtreikam, ha ki ar bynta naka bynta u snem mang tyngka 2023-24 ha kyrdan jong ka National Federation of State Cooperative Banks (NAFSCOB).
Ia kane ka burom kaba la pynkup sha ka MCAB yn sa leit ban shim na nongbah Delhi ka ban sa long mynta u bnai. Ka bank kala ioh ia kane ka jingshah pynkup burom ha ka kyrdan kaba nyngkong bad kyrdan ba ar ha u snem mang tyngka 2021-22 bad 2020-2021.
Ka MCAB kala don ha kane ka jylla palat ia ka sanphew snem, ka bank kala don ia ki shnat treikam jong ka ha kylleng ka jylla ban ai ka jingshakri sha ki paidbah da ki kot ki bor katkum kane ka juk kaba mynta ha kaba la don ia ki ATM bad ka jingpyntreikam ia ka Unified Payments Interface (UPI).
Ka MCAB ka dei ka bank kala don ha ka jingiohnong ha ka jingtreikam jong ki ia ka jingpyntreikam ia ka rukom siew kaba tang na kawei ka jaka dei na kane ka daw ba ka bank kala ioh ia la u jong u IFSC ha u snem 2019 bad da kane ka bank kala ioh ia ka kyrdan “Second Schedule” jong ka ain Reserve Bank of India Act, 1934.
