New Delhi, Naiwieng 11: Ka International Film Festival of India (IFFI) ka long kum ka dak jong ka jingtbit ha ki kam shna phlim, kaba pyni ia ka jingiakhleh ki phlimnapoh bad nabar ka ri kiba pyni ia ki deiriti, ki khana bad ki rukom saindur bapher bapher. Ka IFFI ka la long kum ka nuksakumno ban ioh jingiarohna kylleng ka pyrthei bad ka jingtbit ha ki kam khlem da pynkhein ia ka nongrim.
Ka la long ka jaka iakhleh ha kaba ki phlim, ki barikor bad ki nongwankaina kylleng ka pyrthei ki iawan lang ban rakhe ia ka jingsaindur. Ka dei ruh ka jingrakhe ia ka bor jong ki phlim kum ka ktien ba baroh ki sngewthuh bad kaba tam ia u pud u sam bad wanrah lang ia ki nongshna phlim bad ki nongpeitphlim ha kylleng ka pyrthei.
Ka long kaba itynnad bha ban iohi ka jinglong jingman ka IFFI ka plié lad ia ka ban long kum ka jingkieng kaba pyniasoh ia ki kam hapoh ka ri bad ki kam shabar ri.
Ka IFFI ka julong ha Goa, kaba pawnam namar ka nongrimPortugese jong ka, ha kaba ki don ki iingmane kiba naduh ki spah snem 17 bad ki jaka thung muslimuslaharud kane ka jaka. Ka jingbun bynta ka imlang sahlang ha Goa ka dei ka nuksa jong ka jingburomia baroh.
Ka IFFI ka long ka rynsan ha kaba la niewkorbha ia ka jingbun bynta. Ka tamasa IFFI kaba 55 mynta u snem ka ban long naduh ka 20 haduh 28 tarik u Naiwieng ha Goa, ka la khring ia ka jingiashim bynta na kylleng ka pyrthei ha kaba la don ka jingphah 1,676 tylli ki phlim na 101 tylli ki ri bad yn pyni ia 180 tylli ki phlim na 81 tylli ki ri.
Kane ka pyniaia ka jingkiew ka IFFI kum ka tamasa kaba pyniasoh ia ki rukom treikam bapher bapher ha ka jingshna phlim. Ha kajuh ka por ki don shibun ki phlim ha ki ktien tynrai kiba wanrah ia ka jinglong jingman kaba donkam ia ka jingsaindur ba kan kiewshaphrang!
Kawei na ki bynta kiba kdew ia ka jinglong kyrpang ka IFFI kum ka nongkyntiew ia ki kam phlim jong ka ri ka dei ka bynta Indian Panorama. Ka jingiar ki kam ka paw lyngba ka jingbun ki phlim ha ki ktien tynrai kiba shah jied.
Mynta u snem yn don 25 tylli ki feature film bad na kine san tylli kin dei ha ka ktien Hindi, ar tylli ki phlim Kannada, kawei ka phlim Tamil, lai tylli ki phlim Marathi, ar tylli ki phlimTelegu, kawei ka phlim Gujarati, lai tylli ki phlim Assamese, saw tylli ki phlimMayalam, lai tylli ki phlim Bengali bad kawei ka phlimGalo.
Kumjuh nha ka bynta Non-Feature la jied 20 tylli ki phlim kiba kynthup hynniew tylli ki phlim Hindi, ar tylli ki phlim Tamil, kawei ka phlim Bengali, kawei ka Haryani, kawei ka phlim Garo, kawei ka phlim Punjabi, kawei ka phlimLadakhi, kawei ka phlim Marathi, kawei ka phlim Oriya, kawei ka phlim Tamil, kawei ka phlimPhareng, kawei ka phlimRajasthani bad kawei ka phlim Konkani. Kane ka bynta ka dei ka dak jong ka deiritiiathuhkhana kaba iar kaba don ha India.
Ka iew Co-Production ka pynkhlain shuh shuhia kane ka jingiakhleh jong ki kam hapoh bad nabar ka ri namar ka pyni ia ka jingiasoh kaba suk hapdeng ki kam shna phlim hapoh bad nabar ka ri. Ka bynta jong ka iew Co-Production Market kaba don 21 tylli ki feature film bad 8 tylli ki web series nahynniew tylli ki ri ki kynthup ka Hindi, Phareng, Assamese.
Tamil, Marwari, Bengali, Malayalam, Punjabi, Nepali, Marathi, Pahadi, bad Cantonese. Kane ka bynta ka pyni ia ka jingkut jingmut ka IFFI ban kyntiew ia ka jingiatreilang ha ka jingshna phlim ha kaba la pyniakhleh ia ki khana jong ka ri bad kito na kiwei kiwei ki ri.
Kumjuh ka bynta Work-in-Progress (WIP) Lab jong ka Film Bazaar ha ka IFFI 2024 ka pyni ia ka jingkut jingmut jong kane ka tamasa ban kyntiew ia ki sur ba thymmai ha ka kam shna phlim. Ki phlim kiba la shah jied ki kynthup ia ka Shape of Momos da TribenyRai (Nepali), Gaangshalik (Gaangshalik – River Bird) da ShakteedharBir (Bengali).
YerraMandaram (The Red Hibiscus) da Mohan Kumar Valasala (Telugu), Kaatti Ri Raatti (Hunters Moon) da RidhamJanve (Gaddi, Nepali), Umal da SiddharthBadi (Marathi), bad The Good, The Bad, The Hungry da Vivek Kumar (Hindi).
Lah ban shu kdew hangne ba san tylli na kine ki phlim ki dei kiba dang pyni nyngkong kaba pyni ia ki lad kiba don na ka bynta ki samla ba shna phlim. Ka rukom treikam ka Lab ha kaba la pyndonkam ia ki lad online bad offline ka plié lad ban ioh ia ki jingsngew jong ki briew kaba plié lad ia kine ki nongshna phlim ba kin pynbha shuh shuh ia ki projek jong ki.
Shuh shuh, ka IFFI 2024 ka pynkupburom ia ka Australia kum ka “Country of Focus,” kaba la kyntiew ia ka jingpaw kane ka tamasa ha kylleng ka pyrthei bad kaba ban jur halor ka jingiahap ka kam iathuhkhana lyngba ka India-Australia Audio Visual Co-production Treaty.
Kane ka pyni ba ka IFFI kam dei tang ka tamasa – ka dei ka jingiakynduh jong ki khana jong ka pyrthei ha kaba ki sur bapher bapher ki iawan lang ban rakhe ia ka kam shna phlim.
Lyngba ka jingbun ka jingiashim bynta na kylleng ka pyrthei, ka IFFI 2024 ka long ka dak jong ka jingiasam ia ki sap saindur, kaba pyni kumno ki phlim ki long ki lad na ka bynta ka jingpyniasoh.
Da kaba kyntiew ia ki nongshna phlim ba la tbit bad kito kiba dang sdang paw, bad ruh ka jinglong tynrai bad ka jingiatreilang bad kiwei kiwei ki ri, ka IFFI ka pynkhlain ia ka bynta jong ka kum ka jaka Pdeng jong ka deiriti kaba rakhe ia ki khana na kylleng ka pyrthei.
