Shillong, Naiwieng 13: Ka election shiteng samoi sha ka 56-Gambegre (ST) Assembly Konstitwensi kala iaid beit khlem don kano kano ka jingwit bad ki paidbah kiba la poi thep vote baroh kala kot sha ka 90.84% , kane ka long katkum ka jingpyntip jong u Chief Electoral Officer ka jylla u Dr. BDR Tiwari.
Ka jingpoi jong ki nongthep vote sha ki jaka thep vote kala long naduh mynstep por sdang bad la hap ban khang ha ki katto kane ki jaka thep haduh san baje jan miet bad la shah tang ia kito kiba la dep ban don ha u lain thep vote shuwa ka saw baje.
Ka jingdon ki nongthep vote baroh ki long 33088 ngut, ki shynrang ki don 16881 ngut, ki kynthei ki don 16207 ngut ne kine kiba poi thep vote ynpat lah ban ioh ia ka jingkhien kaba biang sa tang la shai la lah ban ai.
Ki kyrtong kiba ia khun ki long u Jingjang M Marak na ka INC, ka Mehtab Chandee Agitok Sangma NPP, u Bernard N Marak BJP, u Jerry A Sangma kyrtong shimet, u Sengkrabirth M Marak kyrtong shimet bad ka Sadhiarani M Sangma TMC.
