Shillong, Nohprah 03: Ki shipai BSF kiba don ha khappud bad ka Bangladesh ha ki thain Dangar ha East Khasi Hills District kila ioh ban kem saw ngut ki nong India bad ar trok ka shini ba mut shallan beain sha Bangladesh.
Ki ar tylli ki trok kiba la shah kem ha ki BSF ki don ia u number ML 12 3843 bad ML 05 AD 3614, ia kine ki kali la ioh kem ryngkat bad ka shini kaba ki dangmut rung sha khappud Bangladesh.
Ki BSF kila ong ba u shini bala ioh ban kurup na kine ki ar tylli ki trok u la shong dor palat T.10 lak tyngka ia kine ki kali la ioh ban kurup mynta ka sngi por mynstep na khappud Bangladesh thain Dangar.
Na ka liang jong ki BSF ha dien ba kila pyndep ia ki jingtohkit ka jong ki katkum ki kyndon ba ki lah ban leh kila aiti ia ki saw ngut ki briew bad ia ki ar tylli ki trok ba kit shini sha ki Custom kiba don ha Dangar jong ka East Khasi Hills District.
