Shillong, Nohprah 05: Deputy Commissioner ka East Khasi Hills District ba dei peit ia ka elekshon la khot ia ka jingialang bad ki seng sain pyrthei ban iakren halor ka elekshon sha ka iing dorbar jong ka Khasi Hills Autonomous District Council 2025.
Katkum ki jingtip kiba la ioh la ong ba kane ka jingkhot ia ka jingialang ka long ban ia mir ban ia kren bad ki seng sain pyrthei ha kaba ia dei bad ka MDC elekshon sha iing dorkar jong ka Khasi Hills Autonomous District Council 2025.
Na ka ophis jong ka Deputy Commissioner kala phah ia ka jingpyntip sha baroh ki seng sain pyrthei kiba don ha kane ka jylla Meghalaya, kum ka AITC, BJP, INC, NCP, NPP, UDP, PDF, HSPDP, KHNAM bad VPP ba kin ia poi sha katei ka jingialang.
