Shillong, Nohprah 05: Ka Khasi Student’s Union Hingaria Unit , East Jaintia Hills District ka pynpaw ia ka jingsngewnguh ia ka sorkar halor ka jingshimkhia ban pynlait ia ka Preliminary Work Order na ka Bynta ban shna ia u surok ba dang sah teng na ka shnong Lama shaduh Wah Prang Hingaria bad ban maramot ia ka jingkieng ha ka wah Pusi ka jingkieng ba pyn ia soh ia ki Shnong ka West bad East Jaintia Hills.
Kum ban shu pyn kynmaw ba ka seng hapoh ka jing ialam u Samla Garnes Talang General Secratary jong ka seng rynkat bad ki nong ialam shnong jong kitei ki thain ba khynthup ia u Samson Lamin Rangbah Shnong Hingaria, Kyrmen Swer Rangbah Shnong Borghat, Lap Suchen Rangbah Shnong Natbor bad u bah D Lamare Myn ha ka 17 tarik u jymmang ki leit ban ai dorkhas sha u Chief Engineer PWD (Rds) Central Division,Shillong.
Ka jingai dorkhas ka long ban kyntu ban maramot noh ia u surok u ba la joit rathai na duh na Lama shaduh Wah Prang Hingaria namar ka la buh jingeh Shibun ia ki paidbah nongleit nongwan jong ka thain khapud hi baroh ka wei, ha ka jingbud dien jong ka seng klem sangeh na ka Liang ka sorkar ka lah pynurlong bad sanction 16 crore ban Maramot bad ban shna ia u surok naduh Ka shnong Lama shaduh Wah Prang Hingaria nalor ka ba lah sanction lypa bad ka jingtrei ka dang iaid shait shait naduh Wah Prang shaduh Sonapur ka ba kot 126 crore.
Kumta halor kane Bynta ka seng ka sngew dei ban ai khublei kyrpang ia u Chief Engineer bad kumjuh ia ka Local MLA ki ba la shim khia ia kane ka jing ud jing nam jong ka seng ha ryngkat bad ki nong ialam shnong jong ka thain, ba lyngba kane ka surok ki Shnong border ba khynthup naduh ka Shnong Lama, Borghat, Natbor, Demlakang, Pdeinwah Khynriam ,Kwator, Hingaria, Huroi,Lahalein,Lailong, Lejri ter ter shaduh Sonapur.
La ong ruh ba ka jing sniew palat jong kane ka surok ha kine ki snem ba lah dep ka lah wanrah jing eh shi bun ia ki tei ki nong shong Shnong ki ba hap ban mad ha ki ba bun ki jingeh la ka dei ha ka leit ka wan khamtam ha ka pang ka shitom ban pynkit sha ki jaka sumar nalor ba jngai ki jaka sumar kin hap ruh ban mad ia ka jingeh na ka jing bymdon u surok ba bha.
Ka ba kham sngew sih ka long ba ka lah don teng ka jing duh ei ia ki Mynsiem briew tang ha shiteng lynti ban poi sha ki jaka sumar, ka Seng ka sngew kmen bad ha ka juh ka por ka buh ruh ka jing kyrpad ia ka sorkar bad khamtam ia ka Nong Mih khmat ka thain ka ba dei ruh ka MLA ba nyngkong na Ri Lum Jaintia.
Ka MLA ka ba kloi ban bah ia ka khia ka shon ka Constituency bad khamtam ia ka thain Border ba wat tang ha i por ba lyngkot ba u shimti kum i nong mihkhmat jong ka thain i la lah ban wan rah Shibun ki kam pynroi ka ba ka thain Border hi baroh kawei ki mad jing eh baroh shi katta.
Ka seng lymba kane ka kyrwoh ka buh ruh ka jing kyrpad ia ka sorkar bad khamtam ia ka MLA Badonburom ban bud dien bad ban bthah ia u neka contractor badei ban pymtrei ia kane ka project ba kin pynkloi ia ka kam ban pyndep noh ia u surok naduh ka Shnong Lama shaduh Sonapur ha kine ki bnai Tlang.
kum Dak ban ai ka jing shakri ka ba bha tam bad kum ka dak ai sngewbha snem Thymmai ia ki paidbah ka thain hi baroh kawei, kane ka long katkum ka kyrwoh kaba la phah da u Samla Aadrias HL Talang Publicity Secretary KSU Hingaria Unit.
