Shillong, Nohprah 06: Mynta ka sngi ka shongknor jong ka Queensland Cricket Board kala pynkup burom ia u President ka Meghalaya Cricket Association, u Nababrata Bhattacharjee, ha ka jingpyniaid jong u kum u nongpeit ia ka kynhun ialehkai ka Indian Women’s cricket kaba la long ha Brisbane.
Ia kane ka jingleh burom la pynlong ha ophis jong ka Indian Consulate General ha Brisbane. U Consul General u Neetu Bhagotia, ha ka jingiadon lang ka shongknor ka Queensland Cricket Board ka Kirsten Pike ha ka jingdon lang kiwei kiwei dei ki ophisar.
Na ka liang jong ka India kiba la don ha kane ka jingshah pynkup burom u president ka MCA, la pynkup burom lang ruh ia u Amol Majumder da ka shongknor ka Queensland Cricket Board ka Pike.
U President ka MCA haba kren ha ka kyrteng ka kynhun ialehkai na ka Ri India u la pynpaw ia ka jingsngew kmen ia kane ka jingpyndon burom ha ka kyrteng jong ka nongialam ha kane ka jingialehkai ka Harmanpreet Kaur ha kane ka sngi la ai ruh ka sopti phang ialehkai kaba la soi da baroh ki nongialehkai na India sha u Consul General.
Na ka liang jong ki kynthei kiba dei ka kynhun ialehkai ka India kila don ruh ka jingiakynduh bad ka kynhun ialehkai na Australia bad ha kane ka jingialehkai kaba la shah rem da 5 ngut ki nongialehkai bad ka jingialehkai kaba ar kan long sngi u blei.
