Shillong, Nphprah 08: Ka Nongstoin ka dei ka nongbah jong ka West Khasi Hill District ha kaba baroh ki ophis sorkar kila don lut ha kane ka jaka bad kala dei jaka sor kaba heh duh ka West Khasi Hills.
Kane nongbah ka West Khasi Hills kala mat ia ki jingsniew jong ki surok kiba don ha kane ka sor kaba la bynta ha ki bun ki dong, ka Old Nongstoin, New Nongstoin, Upper New Nongstoin, Nonbah, ka Pyndengrei ha baroh kine ki jaka ki surok ki sniew.
Haba u SP News Agency la leit sha katei ka nongbah jong ka West Khasi Hills District, la ioh ba ka surok ha Nonbah kaba sha phang mih khlem siangrong kila jot rathai khamtam eh ha Upper New Nongstoin, ka Nonbah kaba dei ka Station, shiliang kawah ka sniew bad shiliang kawah ka bha.
Haba kren ha ki katto katne ngut ki briew ki pynpaw ba ki kwah ban iohi ba kane ka por tlang ba rang ka suin bneng ka tnad sha surok kan maramot ia ki surok kiba jot ha kane ka sor Nongstoin, kaba dei ka nongbah jong ka West Khasi Hills District.
