New Delhi, Nohprah 09: Ka AshtalakshmiMahotsav ba pynlong da ka tnad Development of North Eastern Region ka la don ia ka Buyer Seller Meet ba kyrpang kaba la wanrah lang ia ki nongthied mar na ka thain shateilammihngi bad ki nongdie na kylleng ka ri.
Kane ka prokram ba la pynlong ha ka Bharat Mandapam, New Delhi ka thmu ban wanrah ia ka jingiadei ba jrong samoi ha ki kam khaii pateng hapdeng ki nongshna tiar na ka thain shateilammihngi bad ki nongthied.
Kane ka Buyer-Seller Meet ka la plie lad ia ka jingiakren shaphang ki kam khaii pateng hapdeng ki nongdie bad ki nongthied na ka thain shateilammihngi ha ki saw tylli ki kam ba kongsan ba kynthup ki jain, ki kam pynmih ksai.
Ki jingthainjain bad ka jingshna tiar tynrai, ki mawlynnai, ki jingdeng bad ki kam kiba iadei bad kine, ki kam rep bad ki kam jngohkai. Kane ka rynsan ka la pynshlur ia ka jingthied mar ba bun, ki jingiadei ba jrongsamoiha ki kam khaii pateng, bad ki jingiakut ha ki kam khaii pateng ban kyntiew ia ka ioh ka kot jong ka thain.
Ki ophisar na ka tnad Development of North Eastern Region (MDoNER), North Eastern Handicrafts and Handloom Development Corporation Ltd. (NEHHDC); Open Network for Digital Commerce (ONDC) ki la iadon lang ha kane ka sngi.
Ha ka bynta ba plie ia kane ka prokram, u Nongaijingmut ka NEHHDC u la kren shaphang ki jingmyntoi kiba don ha ka thain shateilammihngi bad ki lad kiba don ban bei tyngka ha ka thain.
U Chief Business Officer, ONDC u la ong ba ka ONDC, kaba peit ia ki kam kiba iadei bad ka teknoloji, ka lah ban wanrah jingkylla lyngba ki jingpynbeit ha ki kam e-commerce ha ka ri da kaba plie lad ia ka e-commerce lyngba ka open protocol kaba don nongrim ha ka open source.
Kane ka sienjam kanplie lad ia ka jingpdiang kloi ia ka e-commerce bad kyntiew bad pynkhlain ia ka jingkiew shaphrang ki startup ha India. Da kaba plie lad ia ka e-commerce ba lah ban pyniar bad kaba seisoh lyngba ka open protocol, ka ONDC kan pynkup bor ia ki startup ba kin kiewshaphrang ha ryngkat ka jingiatreilang.
U la ong ruh ba ka ONDC ha ka jingiatreilang bad ka NEHHDC ka dang kyntiew kyrteng ia ki nongsaindur / ki nongthain jain / nongdie mar na ka thain shateilammihngi ha kane ka rynsan ban kyntiew ia ka jingioh bynta jong ki ha ki iew.
U Managing Director, NEHHDC u la iaroh ia ki sienjam ba la shim da ka DoNER bad u la ong ba kine ki jait sienjam kin iarap ban kyntiew ia ki mar ba shna ha ka thain shateilammihngi bad kan iarap ruh ban kyntiew ia ka ioh ka kot jong ki nongsaindur, ki nongthain jain, ki nongdie mar jong ka thain.
Ka Joint Secretary ka tnadDoNERka la ong ba ka thain shateilammihngi ka skhem jingmut ba kan don ka jingkiew shaphrang, lyngba ki jingbei tyngka bad ba ka lah ban kylla sha ka nongialam ha ki kam bapher bapher.
Ka la ong ruh ba ka Sorkar Pdeng bad ki Sorkar Jylla, lyngba ki sienjam bad ki skhim jong ki ki la wanrah ia ka jinglong jingman kaba iarap bha ia ka jingbei tyngka ha kane ka thain.
Ka la ong ruh ba baroh phra tylli ki jylla ki wanrah ia ka lad kaba kyrpang ia ki nongbei tyngka ba kin bei tyngka ha kane ka thain. Ka tnad DoNER bad baroh ki jylla ha ka thain shateilammihngi ki ieng skhem ban ai ka jingkyrshan ia ki jingbei tyngka ha ka thain.
Ka la don ruh ka jingiakren hapdeng ki nongdie mar na ka thain shateilammihngi bad ki nongthied mar na kylleng ka ri.
