Shillong, Nohprah 12: U Director ka NEIGRIHMS u Prof. Dr. Nalin Mehta u la plie paidbah ban pyndon kam ia ka kor test snam kaba nyngkong ha Meghalaya kaba dei ka Polymerase Chain Reaction (PCR) kaba lah ban pyndon kam ruh ban test Nucleic Acid Testing ha ka shnat Transfusion Medicine and Blood Centre, NEIGRIHMS.
Ka Nucleic acid testing ka dei ka mashin ban peit bad bishar bniah ia ka snam ban pynthikna ba ka snam kaba la ai da ki briew kan nym don kano kano ka jingdon ia ki khniang jingpang bad kane ka iarap ban iada ia kiba pang shitom haba ki shah ai snam.
Ha kane ka juk mynta ki jaka ai jingumar ki long shisha kiba phikir ha kaba shim snam ne ai snam, ban pynthikan ba ka snam kaba shim bad ai kan long kaba khuid kiba lait na ki jingpang kum ka HIV bad Hepatitis B, Hepatitis C, Syphilis, Malaria, CMV, HTLV etc.
Kane ka mashin NAT ka lah ban lap lada don ki khniang jongpang ha ka snam jong ki briew bad ha kane ka mashim lah ban test san jaid ki jingpang ha ka juh ka por kiba la pynthikna da ki kyndon kiba la buh daka Drugs Licensing.
Kine ki kor ki bor kiba thymmai kan iarap hakaba test kum ka PCR/TMA pynshong nongrim ha ka NAT bad kane ka iarap ban ioh ia ka snam kaba khuid haba ai sha I briew ha ka pang ka shitom.
Da ka jingdon kane ka mashin ha katei ka hospital kaba heh kan long kawei pat ka atiar ban sumar ia ki nongpang kane ka thain shatei lam mih ngi ka Ri India bad ha kane ka jaka lah ban ioh ia ka jaka test snam kaba katkum kane ka juk mynta ha kane ka thain.
