Shillong, Nohprah 17: Kum shi bynta ban pyniajan,pyniatylli bad pyniaieid iaki samla jong ka shnong bad ki shnong ba marjan Ka KSU Lapalang Rynjah unit mynne ka sngi ka la plie pyrda iaka jingialehkai phutbol 1st Maitshaphrang knock out football tournament 2024 ha madan phutbol Lapalang.
Haba plie ia kane ka jingialehkai u Vice President Ka KSU Nongthymmai Circle samla Richard Mawkhiew u la long u kongsan ha ryngkat ka jingiadon lang ki dkhot ka seng kynthei,seng longkmie jong ka shnong Lapalang ,ki samla samhol bad ki nongkitkam bad ki dkhot ka KSU Nongthymmai circle.
Ha shuwa ban plie pyrda ia kane ka jingialehkai la ioh ka jingkren kyntu kynpham bad ai mynsiem iaki nongkitkam jong kane ja shnat treikam na i president jong ka seng kynthei bad i president ka seng longkmie.
Haba kren kum u kongsan u Samla Richard u la ai ka jingiaroh iaka KSU Lapalang unit kaba la shim iakane ka sienjam ban pynlong iakane ka jingialehkai ban wanrah iaka jingiatylli bad jingsngew shipara jong ka samla ka shnong Lapalang bad ki shnong ba marjan.
La ong ba kane ka long ba kin lait nakino kino ki jingmlien ba sniew khamtam na u drugs u ba la rung ha man la ki thliew iing jong ka thaiñ . U samla Richard u pynkynmaw iaki rangialehkai ba mynshuwa ka jingialehkai phutbol ka shu kut tang na inter shnong ha Polo,phewse katba nang iaid ki por ka phutbol ka la kylla long ka lad kamai jakpoh ba ki player ba tbit ki kamau da ki phew lak tang ha ka ahi samoi ialehkai.
U ne u nongialam u pynpaw ruh ka jingbitar iaka rai jong ka Cabinet ban ailad iaki briew nabad jylla ban invest daka ba thied iaki iaka puta ha ka ri jong ngi kaba pyniap noh iaka Meghalaya Land Transfer Act.
Kumba ka seng ka la ai jingthoh sha ka sorkar ban pyndam noh mardor iakane ka rai bad lada ka sorkar ka iai kuman u ne u samla Nongialam u la pan ka jingkyrshan na ki paid ka bri u hynniewtrep ban ai ka jingkyrshan lada ka seng ka pynbna iaki jingiakhih.
U samla Richard u la buh jingkylli iaka seng shitniam Hindu ba ki thmu ban khang dam iaki surok ba rung sha meghalaya lada ym plie iaka krem mawjymbuiñ ,u ne u samla u ong ba ngin tieng ia kine ki kohtympan hynrei ka Sengnkan sa jubab ynda ka por ka la dei ban jubab da ka long ha kano kano ka rukom,shuh shuh u bynrap ba namar la dei ka aiom kristmas kibe ki shit niam ki shim kabu ban pynkulmar iaki jingmut jingpyrkhat jong
La pyniaid iaka jingplie pyrda da u samla Richmark ,president ka tei ka unit. Kumban shu pynkynmaw ka KSU Lapalang Rynjah unit ka dei ka shnat treikam ba thymmai ba la wan pynskhem da u samla Lambokstar Marngar haka 16.11.2024.
