Shillong, Nohprah 19: U Chief Executive Member ka KHADC bah Pyniaid singh Syiem haba jubab ia ka jingkylli jongu bah Titosstarwell Chyne nongialam ka liang pyrshah la iathuh ba ka sorkar kala bat ia ka pisa ka KHADC T.4.57 klur tyngka ban pynlut naka bynta ban pynlong ia ka elekshon MDC.
U bah Pyniaid u la iathuh hpoh ka iing dorbar ba ka jingioh ka KHADC na ki jinglum khajana kiba bun jait, haduh mynta ha kane ka snem mang tyngka kala kot sha ka T.38,22,897/- tyngka, kane ka long haduh u Naiwieng 2024.
La iathuh hapoh ka iing dorbar ba mynta u snem mang tyngka 2024-2025 ka sorkar ka dang ai ia ka bhah sha ka KHADC tang na ki marpoh khyndew bala tip kum u Major Minerals T.20/- klur tyngka, ia kiba na ka Khajna kali bad ki mar bala tip kum minor minerals ka sorkar jylla ka dang shu pyntip ban sa siew tang kampat siew.
U CEM jong ka KHADC u la pyntip hapoh ka iing dorbar ba ka T.10,68,59,351/- tyngka kaba ka KHADC kala ioh na ka khajna kaba la tip kum ka Professional Tax ka long tang haduh u Naiwieng 2024, kane ruh la kynthup lang ha katei ka bala ai jingkhien haneng.
