Shillong, Nohprah 19: Mynta ka sngi ka party Congress kala pynbna ia ki 26 ngut ki kyrtong MDC ban ia khun ia ka elekshon sha ka iing dorbar jong ki ar tylli ki District Council, ka KHADC bad JHADC ka ban long ha ka 21/Rymphang/2025.
Ki kyrtong kiba la pynmih mynta ka sngi, ki kyrtong na ka bynta ka KHADC ki long 15 ngut bad sha ka iing dorbar jong ka JHADC ki don 11 ngut, kine ki longki kyrtong kiba la pynlait ha ka sien kaba nyngkong mynta ka sngi.
Ha kane ka jingpynbna ia ki kyrtong ka seng Congress kala sei madan ia ki kyrtong kiba la don ia ka jingnang jingtip bad kiba la shemphang ha ki bynta bapher bapher bad ka party ka don ka jingshaniah ia ki paidbah ba kin ai ka jingkyrshna ia ka party.
Ka seng Congress ka dei ka party kaba ieng skhem ban ia da ia ki kyndon kiba don ha ka khyrngit kaba hynreiw jong ka Riti Synshar ka Ri India, ban iada ia ki paidbah riewlum iaka hok ka bynta ka jong ki.
Na ka liang jong ka seng Congress ka don ka jingshaniah ha ki paidbah ba kin ai ka jingshaniah ba kin ai ka jingkyrshan ia ka party ha kane ka MDC elekshon, la ong ba da ka jingiatreilang yn pynneh pynsah ia ka riti synshar paidbah.
