New Delhi, Nohprah 24: La shai ka sngi ka 25/12/2024 u myntri rangbah duh ba rim ka Ri india u Atal Bihari Vajpayee yn sa dap 100 snem ka sngi kha ka jong u, ha kane ka sngi u myntri rangbah duh ka Ri India u narendra Modi un sa buh mawnongrim na ka bynta kiba bun bah ki skhim ha Madhya Pradesh.
La shai ka sngi u myntri rangbah duh ka ri India u Narendra Modi un buh ia u mawnongrim ha Ken-Betwa kane kan long ka skhim kaba nyngkong ban pyniasoh na kawei ka wah sha kawei pat bad kane ka ai um sha shibun ki jaka rep ha MP bad UP ha kaba bun lak ngut ki nongrep kin ioh jingmyntoi.
Kane ka jingpyniasoh ia ki wah kan pynbiang ruh ia ka umbam umdih bad kan don ruh ka dam ban pynmih light kaba 100MW, kane kan iarap ban ai kam bad kan pynkhlian ia ka ioh ka kot sha ki nongkyndong.
Ha jingdap shispah snem ka sngi kha u Atal yn sa pynlait paidbah ruh ia ka stamp ka jong u bad ban buh mawnongrim ban shna ia ka iing 1153 tylli kaba yn ai kyrteng Atal Gram Sushasan na ka bynta banpyniaid ia ki jingialang ha ki shnong ki thaw ban wanrah ka jingsynshar kaba khuid.
Ha kane ka jingleit sha MP la shai ka sngi u myntri rangbah duh ka ri India un sa plie ruh ia ka skhim ha Omkareshwar Floating Solar Project kaba la dep ban shna ha Khandwa district ka jylla Madhya Pradesh. Kane ka long ka skhim ban pynurlong ba ha u snem 2070 ka jingpynmih ia ka karbon kan long siro bad kane kan iarpa ban pynnehpynsah ia ki um ki wah.
