Shillong, Rymphang 24: Ka NPP kala jop 13 ngut ki MDC ha JHADC bad kala thikna ba kan thaw biang ia ka Executive Committee, la khmih lynti ba kan dang ia treilang biang bad ka party UDP, bad ar ngut ki kyrtong shimet.
Ha ka iing dorkar jong ka JHADC ka Congress kala jop 3 ngut ki MDC, ka UDP kala jop lai ngut ki MDC, ki kyrtong shimet kila jop ar ngut bad ka VPP kala jop 8 ngut kiMDC ha kane ka MDC eleshon sha JHADC.
Ha kane ka elekshon MDC ha JHADC lai ngut ki CEM barim jong kila jop biang ia ka MDC Elekshon, u bah Moonlight Pariat kum u kyrteng shimet na 19-Jowai South, u bah Hambertus Nongtdu na ka NPP na Sutnga-Nongkhlieh bad u bah Madonbai Rymbai na ka party Congress na Amwi-Khliehtyrshi.
U CEM jong ka JHADC u bah Thombor Shiwat u la jop biang ia kane ka MDC elekshon na Moodop-Umladang, ka Kong Violet Lyngdoh kala jop biang ia kane ka MDC kum ka kyrtong shimet na Rymbai-Khliehriat.
