Shillong, Rymphang 24: Ki pulit jong ka Sohra kila ioh ban kem ia ar ngut ki briew kiba la suba ba ki don kti ha kaba tuh ia ki bike bad die tuh ia ki sha ka ri Bangladesh, kiba la shah kem ki long u Babu Marak 19 snem bad u Sunday N Sangma 30 snem.
Ka baki kaba kila ioh ban bat ka dei kaba don ia u number ML-05-AD-4393 kala kila tuh na Smith bad ki dang thmu ban leit sha Bangladesh ban leit ban die tuh ia ka ha kaba ki briew na Bangladesh kila wan ban kiew sha India.
Ha kawei pat ka jingjia ki pulit kila ioh ban kurup ia ka Bike ha Mawkdok na kawei pat ka kynhun bala shah kem dei u Barabor Namsaw 28 snem bad u Banroilang Iawrod 19 snem bad u Declin Warjri 20 snem. Ia ki la kem na Hynniewmer Upper Shillong.
Ha kawei pat ka jingjia ki pulit kila ioh ban kurup n Sohra ia kawei ka bike kaba don ia u number R15 ML05AA 3297 na Nongsawlia, nongniah la iehnoh ia ka bike bad pher bad ia kane ka ejahar la don ha Madanriting Police Station.
Ha kawei pat ka jingjia ki pulit kila ioh ban bat ia u Navin Sunar 42 snem ka rta na jan St. John bad ia u Sanju Sunar bad na ki la ioh ban at ia kawei ka Laptop bad la antad ba kane ka dei kaba la tuh, habala tohkit kila phla ba kila tuh na jan ka iing kaba don ka BK Bajoria Skul.
