Shillong, Rymphang 24:U nongialam jong ka United Democratic Party (UDP) u ba la bat teng ruh kum u Chief Executive Members ka Khasi Hills Autonomous District Council (KHADC),u Bah Titosstarwell Chyne u la shah jied biang ha kane ka kynti kum u MDC jong ka Sohra Constituency.
Ha ba kren sha ki paidbah jong ka Sohra Constituency u bah Titos u la pynpaw ka jingsngew nguh ïa ki paidbah ka Sohra constituency kiba dang ai ka jingshaniah bad ka jingkyrshan kat haduh ba ngan lah ban poi sha ka thong hakne ka ilekshon MDC ka ba mynta.
“Ngan pyrshang hala ï bor barit jong nga ban ai ka jingia trei lang bad I wei pa I wei khamtam ki ba duk kiba suk ki rangli-ki juki kiba don kam ïa ka jingiarap ka jong nga, ngan don ryngkat bad phi ki paidbah na ka por sha ka por ngan pyrshang ïa ki lad ki lynti baroh kat ki ba don na ka bynta ka jingbha- jingmiat jong phi baroh” u la ong.
Ngan ïa treilang bad ki dorbar shnong ki jong ngi khnang bad ki nongkit kamshnong jongngi khnag ba yn lah ban pynthymai ïa ka jingia trei kam jong ngi.
U Bah Titos u la pynpaw ruh ba ka jingialeh kam dei kaba suk hynrei nga sngew thuh ba ka don kabor ka ba phylla ka ba la pynlong ïa nga ba ngan ïoh ïa ka jingjop. U la ong ruh ba ngam don ei-ei ban ong ïa phi ki paidbah, hynrei na duh ka mynsiem nga, ka Ïing ka sem jong nga bad baroh ki paralok ki ba ïa trei kamlang bad nga, ngi ai khublei ïa ki paidbah kiba la trei shitom ha la ki jong ki jong ki shnong ban wan rah ka jingjop ia nga.
“kumba nga la ong barabor ba ngan ym pynleh raiñ ïa ki paidbah kiba la jied ïanga, ngan ym pynleh raiñ ïa ka constituency kaba la jied ïanga wat lada nga don ha kano-kano ka position ruh hynrei ngan rah ïa ka burom jong ka sohra kane kan dei ka thong ka jong nga” u la kular.
Ha shwa ban ai jingkren sha ki paidbah na ka liang u Bah Titos u la pynlong da ka jingduwai ba kyrpang na ka bynta ki paidbah ka Sohra Constituency bad u la ia nguh ruh ïa U Blei halor kane ka jingibit jong U ha ka ban ai ka jingshakri sha ki paidbah ka Sohra.
