Shillong, Rymphang 25: Ka long ka sien jam kaba khraw ia ka tnad rep ka jylla ha kaba mynta ka sngi la phah shallan nyngkong ia u Syieng na kane ka jylla Meghalaya 15 metrik tone sha Dubai sha ka kynhun nongthied Lulu Group da ka jingiatreilang bad ka Agricultural and Processed Food Products Export Development Authority (APEDA).
Ia kane ka jingshallan ia u Syieng la leh da ka Eastern Ri-Bhoi Organic Farmer Producer Company (FPC), kane ka long ka jingkut jingmut ka sorkar Meghalaya ban pynthikna ba ia ki marrep na kane ka jylla dei ban shallan sha bar jong ka Ri India.
Ia kane ka jingshallan kaba nyngkong ia u Syieng sha Dubai la khaweh ia ka lama ha ka jingiadon lang ki ophisar jong ka APEDA ka tnad ba dei peit ia ka ioh ka kot bad na ka IFAD, kane ka long ka jingsdang kaba thymmai ban shallan ia ki marrep kiba khlem pyndon kam dawai sha ki iew jong ka pyrthei.
Kumba ka long ka jingeh ia ki nongrep ka long ba kim ioh ia ka iew kaba biang bad bun sien ki shaniah ha ki mahajon ban die ia ki mar jong ki, ia ka, Eastern Ri-Bhoi Organic FPC, la seng ia ka ha u snem 2017 ha ka jingpeit jong ka “Mission Organic Value Chain Development for the North Eastern Region” bad kane ka dei ka nonglam lynti ban shallan sha bar ri.
Ka FPC kala dang da ki jingtrei kiba rit bad mynta kala don ia ki kor kiba katkum kane ka juk ban sait bad bad pynkhuid ia u syieng bad ban synag pynrykhiang bad ban song ia u bad kane ka iarap mynta 500 ngut ki nongrep ha ki 9 tylli ki shnong ban pynioh ia ka iew bad ka dor kaba biang.
Ka jingtreikam jong kane ka kynhun ha u snem 2018-2019 ki don ka pisa tang T.17/- lak tyngka bad ha u snem 2023-2024 kila don ka pisa ban treikam haduh T.374/- lak tyngka, ha kane ka sngi ba phah nyngkong ia u Syieng la don lang u shongknor ka APEDA u Abhishek Dev, IAS.
Ka sorkat jylla kan buh ia ka jaka ai syrnod kaba nyngkong na North East ban tylliat syien ha Bhoirymbong, Ri-Bhoi District. Ka jinglut ban shna ia kane ka jaka tylliat Syiem kan loing T.21/- klur tybngka ban kyrshan da ka IFAD, kane ka long ban lah ban tylliat haduh 10,346 MT ki musla ha ka shisnem, kan don ka jaka buh haduh 50 MT bad ka jaka buh ia bala thad trykhong haduh 300 MT kane ka long ban pynkhlain ia ka rep.
