Shillong, Lber 14: Ryngkat bad Ri India baroh kawei ki paidbah nongshong shnong jong kane ka jylla Meghalaya ruh mynta ka sngi kila rakhe ia ka jingleh burom ia ka Holi ban pdiang burom ia ka Pyrem.
Ha kane ka sngi la iohi ba bun ki paidbah ha kane ka nongbah Shillong kila ia leh kmen ia Holi ha kaba kila ia ber ne tah Abir iwei iwei pat da ka jingkmen bad ban ia khublei mar kyrlliang ban pdiang burom iak a Pyrem ba ka mariang kan sa jyrngam biang.
Kane ka jingleh kmen ka long da baroh khyllung khynnah bad ki rangbah ruh kum juh bad la ioh ba ki don ki jaka ba kala don ka jingiashad ia kmen sngewbha ban rakhe ia sngi ba ka mei mariang kan sa jyrngam biang na ka jingtyrkhong jong ka tlang.
Ki pulit CrPF kiba don ha Polo kila pynlong ia ka jingrakhe kaba kyrpang ha pdeng jong ki da ka jingtem ia pud ryngkat ka jingiaber Abir sha kiba wan ban ia shim bynta ha kane ka jingleh kmen.
