Shillong, Lber 14: Ka iing dorbar jong ka jylla Meghalaya ha kane ka dorbarmang tyngka kala pynlait ia ka pisa T.3,18,96,000/- tyngka na ka bynta ban iarap ia kito kiba ri sniang kiba la iap na ka daw jong ka jingpang ‘African Swine Fever’.
Kane ka pisa kaba la pynlait daka iing dorbar thawain ha kane ka dorbar mang tyngka kaba dang shukut, ka long ban iarap ia kito ki briew kiba ri sniang kiba la iap na katei ka jingpang ha u snem 2022-23 haduh 2024-2025.
Kane ka jingiarap pisa ia kiba ri sniang kan long katkum ki kyndon State Disaster Response Found (SDRF) bad ki kyndon jong ka National Disaster Response Fund (NDRF) na ka bynta jong u snem 2022-2023 bad u snem 2024-2025.
Namar kam shym don ka jingmang pisa ha ha kane ka snem mang tyngka 2024-2025 kumta na ka liang jong ka sorkar kala hap ban pan ia kane ka pisa na ka iing dorbar ban ioh iarap ia kiba ri sniang.
