Shillong, Lber 17 : Namar kawei ka pla kaba don khlem trai kala pynkyndit ia ki nongleit nongwan ia kaba la suba don bom, mar mar ki pulit ha ka sngi nyngkong kila ker kut ha Police Point, Laitumkhrah kaba don pyrshah bad ka Prakash Hotel.
Haba kren bad u Superintendent of Police ka East Khasi Hills u Bah Vivek Syiem u la iathuh ba ki pulit kila ioh jingtip halor kane ha ka por shi phew duna mynta ka step 17 tarik u Lber.
“Ka dei tang ka pla bala ieh da mano re hajan jong ka hotel bala tip ka Prakash Hotel, kaba don ha Laitumkhrah” la ong u SP.
U Bah Vivek u la ong, ki pulit ki hap ban ker kut ia ka jaka. Namar ka dei ka pla ba shu ieh kumta, ki pulit ki hap shu shim ia ki lad jingiada.
Hadien ba la wan ki bomb squad la shem ba ha kane ka pla ym shym la don eiei ruh em lait tang ka pla bad ka laptop lem bad ka pan card kaba don hapoh ong u SP.
