Shillong, Lber 18: Ki nongialam ka NEHU student Union (NEHUSU), NEHU Teacher Association (NEHUTA) bad ka KSU NEHU Unit, ki la rai ban thoh shithi sha ka Ministry ka Sorkar India ban thung Vice Chancellor ba shipor hapoh ka Skulbah NEHU hapoh ka 48 kynta bad lada kam lah ban leh kumta, kat kum ka aiñ ka Skulbah, u Professor ba la rimtam ha ka Skulbah ba un shimti ia ka kam kum u Acting Vice Chancellor, hapoh ka Skulbah NEHU.
Namar u Vice Chancellor ba shipor Professor N Saha u la lum ia ka jingialang bad ki nongialam ka NEHUSU, NEHUTA bad ka KSU NEHU Unit ha ka 17 Tarik Lber 2025 ban iakren halor kane ka mat khamtam hadien ka jingkam u VC barim ka NEHU u Prof. Prabha Shankar Shukla u la kam ba u la wanphai sha ka kam VC ka NEHU lyngba ka jingpyniasoh Online.
U President ka NEHUTA u Prof Lakhon Kma haba kren sha ki nongthoh khubor u la ong ba kane ka jingialang la khot da u Register Incharge, ha ka jingiadon lang u VC u Prof N Saha ba shipor ban iakren halor ka jingbymdon VC ha kane ka Skulbah.
U la ong, u VC barim u la shim shuti bad ka shuti ka la kutlut bad u khlem wanphai shuh bad ba ym lah shuh ban pynjlan ia ka shuti namar u la lut, kumta ka University kam lah ban long dkhot, namar katkum ka aiñ ka University hi ka long ba la da don ba shim shuti be-aiñ hap ban khate tulop, kumta u VC u ba don ha ka shuti ymdei ban ai tulop.
U la bynrap ruh daka ba u la ong, kum ka University hi kam lah ban treikam shisngi ruh khlem u VC, kumta katkum ka aiñ ba ka University ka don ka ailad ia u Professor barimtam ka Skulbah ba un shim ia ka kyrdan u VC lada ka Skulbah kam don VC ba pura
U bah Lakhon Kma u la ong, Kumba u VC barim u la pyni ba u la dep ban wanphai sha ka kam lyngba ka online kane ka long ka bym lah ban pdiang namar ymdon uno uno u nonghikai ha kano kano ka kyrdan ruh u ban lah ban pyniasoh ia ka kam lyngba ka online.
“Ha ba u la shim ia ka shuti hap ban wanphai bad ai ka shithi ba wanphai sha ka kam, hynrei u VC u khlem wanphai shuh sha ka University kumta u dang don ha ka shuti bymsiew tulop bad ngin hap iaid katkum ka Rule, kumta ngi la thoh da ka shithi sha u Acting VC ba u VC barim bad ki ar ngut kiba kynthup ia u Deputy register bad u Register kim dei ban ioh tulop namar ki la kut ka shuti” u la ong.
Shuh shub u la ong, Nalor kane ki la rai ruh ban pynbiang da ka shithi, ban phah sha ka Ministry ban aipor 48 kynta, halor kane bad lada kim ioh jubab eiei u Professor barim tam ka University un wan ban shimti hi ia kane ka shuki u VC kata katkum ka aiñ ka Sorkar India.
