Shillong, Kyllalyngkot 14: Ka jingpynkhreh ia ka jingiaseng Synod jong ki rangbah kan long ha shnong Umden Diwon ha u bnai Lber 2026 Ri Bhoi District kala dang iaid sha khmat bad ka jingpynkhreh ia ka jingia seng synod jongki samla kan long ha shnong Kbet Umsawnongbri ka ban long ha u juh u bnai Lber 2026. Ha ka juh ka por ka jingiaseng jong ka seng rangbah jong ka Balang Catholic kaba dei jong ka Zone 6 kan long ha Umrang ha u bnai Lber 2026.
U Bah Mayralborn Syiem MLA jong ka Nongpoh ha ka 13 Tarik Kyllalyngkot u leit ban jurip ia ka surok kaba dei na duh Iew Mawlong ha Nongpoh ka ban poi sha duh Umden kaba dang trei mynta bad ba dang siangrong kane ka jingleit ryngkat bad ki ophisar ka long ban peit ba ka jingtrei ka dei ban dep namar ha katei ka thain kin sa don lai tylli ki jingiaseng kiba heh jong ka Balang Presbyterian bad ka Balang Katholik.
Kaba kong san ka long ba peit ba ka jingtrei kan iaid beit bad kan long ka jingsuk ia ki briew jong katei ka thain ha kaba bun tylli ki shnong ki pyndonkam ia kane ka surok ban kit ban bah ia ki mar rep bad kumjuh ban pynpoi ia kiba pang ba shitom sha ki jaka ai jingsumar haba bha ka surok ka long ka jingkyrkhu ia baroh.
Na ka liang jong u bah Mayralborn u la ai khublei kyrpang ia u myntri rangbah ka jylla u Conrad K Sangma u symbut myntri rangbah ka jylla u bah Prestone Tynsong kiba la sngap ia ka jingkyrpad, ia u kontraktor ba pyntrei bad ia ki ophisar jong ka PWD kiba la peit ia kane ka jingtrei.
