Shillong, Kyllalyngkot 19: Kumba ka long mynta, ka jingbuh jingkhein ka long ba ka pyrthei ka donkam kumba 5 Million kat haduh ka snem 2020 ki briew kiba la shah hikai pyntbit (Skill Workers) na ka bynta kiba bun ka jait kam. Ka Aide et Action, Ka Sengbhalang ba trei na ka bynta ban kyntiew ia ka imlang sahlang lyngba ka pule puthi. Kane ka seng ka ju don bynta ha kaba ai jinghikai khamtam ia kiba kham duna ha ka ioh ka kot ha ka Ri India baroh kawei la kumba 29 snem eiei bad mynta ka noh synniang lem na ka bynta ban ailad ia ki khunsamla kiba la dep pule klass 8th wat hangne ha ka jylla Meghalaya ban shah hikai ha ki Skill Development Program kum Beautician, Electrical House Wiring bad Repairing of Domestic Electrical Appliances, Fashon Designing bad Tailoring, Hospitality bad Hotel Management. Kane ka long ka kabu ksiar na ka bynta ki samla ba khlem kam khlem jam. Ka registration fee na ka bynta kitei ki Training ka long tang sanspah tyngka. Na ka bynta Ka Entrepreneur Development Programme (Ba Hikai Kumno Ban Seng Kam lajong)ka registration fee kan long tang shihajar tyngka. Kumta iLEAD (Iniatiative for Livelihood Education & Development) ka dei ka programme jong ka Aide et Action kaba ai Vocational Training ia ki khynnah wat kiba la ieh ia ki jingpule jong ki shiteng por na ki daw bym lah kiar bad kiba don jingtbit ha ki kam trei kti kat kum ka jingdawa ka khaii pateng ban pynioh kam bad ban ieng ha la ki kjat. Nalor kata, ka iLEAD ka air uh ki jingkyrshan hadien ba la dep ki jait training bapher bapher bad ka iarap ruh ban pyniohkam ha ki bynta bapher bapher. Kino kino kiba don jingmut shisha ban shah hikai ki lah ban kren ha kine ki number-03642535674, 9774772934, 9774658122, 9774083210, 8974565144, 9612564039, 9862425154 bad 9863043125 lane lah ban leit mih dalade ha ka ophis iLEAD Shillong kaba don ha Reebok Building IIM Road, Nongthymmai, Nongkhyriem Shillong.(SP News)
