Shillong, Naiwieng 13: U Myntri Rangbah ka jylla Meghalaya, u Conrad K Sangma, haka sngi Palei u la wanrah da ka “Repair, Renovation and Operationalization Scheme of Tourism Properties” na ka bynta ka 39th National Games, 2027 bad u la sam da ka jingiarap ban ai da ka pisa hapoh ka jingpeit jong ka skhim pynroi iaki jaka shongthait kum ki jaka leit pynjhieh, jaka jngohkai bad kiwei kiwei iaki nongseng kam lajong ha ka prokram kaba la pynlong ha Banquet Hall jong ka Pinewood Hotel, Shillong.
Ha katei ka prokram, u Conrad u la ai ka jingkren ha kaba u la ong ba kane ka skhim ka dei na ka bynta ki ar tylli ki jingeh kiba ki nongkhaii kiba marjan bad ka surok bah ki iakynduh, kaba kynthup iaka jingduna pisa ban sdang iaka kam bad kawei ka jingtieng ban pynlut pisa namar ba ka kam jngohkai ka khein katkum ka por lane ka sngi.
U la ong ba kaba pynkhring iaka jylla Meghalaya kala saphriang sha kylleng ki 12 tylli ki distrik. Katba ki noh jngoh kai pyrthei kiba na ka nongbah Shillong kiba leit sha Sohra, Dawki, Nongstoin, Jowai lane Tura ki donkam iaki jaka shongthait ba kin shong bam, shongthait bad pyndonkam iaki jaka um pyn jhieh haba ki leit jingleit, kane ka long kaba donkam bha na ka bynta jong ki nong jngohkai pyrthei ba dei ban don kum kine ki jaka shongthait kumjuh ruh iaki nongleit nongwan.
La don ki jaka ba kum kine kynthup iaki jaka um pyn jhieh, ki jaka ieng kali ba shngain bad ki dukan sha dukan ja kiba pynlong iaki nong jngohkai pyrthei ba kin sngew shngain. Bynrap u Myntri Rangbah.
La ong ba la don ka jingiarap bei tyngka kumba T. 5 lak na ka bynta uwei pa uwei u nongioh jingmyntoi ba dei u trai shnong uba la pyniaid ia la ka kam ka jam bad kine ki nongioh jingmyntoi ki don 47 haduh 48 ngut kiba shah jied ban shna iaki jaka shongthait ha kk surok, kaba mut ha ka jingkhein kyllum, ka poi kumba T. 2 klur.
Kine ki nongioh jingmyntoi ki dei kiba la don lypa iaki jaka bam jaka dih, dhaba, cafe, dukan bam bad ki jaka ban sangeh shongthait ha ki surok bah, ki surok bah jong ka jylla bad ki surok jong ki distrik ha kylleng ki khyndai tylli ki distrik jong ka jylla.
Kane ka jingiarap bei tyngka ka dei na ka bynta ban pynroi ia kum kine ki jaka kiba ki nong jngohkai pyrthei bad ki paidbah nongleit nongwan ki pyndonkam, ki jaka shong bad ki kamra shet, ki jaka ai um pynjhieh kiba khuid ba suba, ki jaka ieng kali kiba la buh dak bad kiwei kiwei kiba dei ban don ha kine ki jaka.
Man la uwei pa uwei u nongioh jingmyntoi uba dei u trai shnong bad uba la don lypa iaka kam bab pyniaid iaka. Kane ka jingiarap pisa ka pynkhlain shuh shuh iaki kam kiba la don lypa ka jingdonkam ne ka jingdawa jong ki paidbah, ban ia kaba sdang thymmai naduh ba sdang.
Ki nongioh jingiarap ki dei ban pyndep iaki kam kiba la pynkupbor ha ka por ba la buh, ban bat bad pynkhuid bha iaka jaka, ka jingsuba bad ka jaka shngain ban pynieng kali bad ban plie iaki jaka ai um pynjhieh ban lah ban pyndonkam da ki nongleit nongwan.
Ki dei ban pyniaid ia kane ka jaka shakri kaba kham duna san snem, katkum ka kular jong ka skhim bad kiwei kiwei, kynthup ruh ban pynpaw iaka dak jngohkai pyrthei ka jylla Meghalaya bad ki jingtip jong ka helpline na ki nongleit nongwan.
