Shillong, Naiwieng 13: U myntri ka tnad pule puthi ka jylla u bah Lahkmen Rymbui la ong ba haduh u snem 2018 ki nonghikai sorkar ha ki Kolej ki don tang 270 ngut ha ka jylla Meghalaya ha dien ka 2018 haduh mynta ka sorkar ka thung 2087 ngut ki nonghikai kynthup ia kiba dang thung thymmai.
U myntri ka tnad pule ula ong ba san phew tylli ki snem ki don tang 2070 ki kam hikai ha ki Kolej jong ka sorkar, hynrei ha ki phra snem la pynmih haduh 2090 tylli ki kam nonghikai la pynmih, na kine 519 tylli ki kam la pynmih tang ha ki People’s College.
La iathuh ba na ka bynta Captain Williamson Sangma State University la pynmih 150 tylli ki kam hikai, ha Engineering College, ha ka College Architecture na Urban Planing, Kiang Nangbah College bad ha ki phra snem la pynmih kam palat ia ka shihajar tylli ha ka jylla Meghalaya.
U myntri ka tnad pule u la ai khublei ia u myntri rangbah ka jylla ia ka jingleh ka jong u ha kane ka bynta bad kaei kaba ki sngew ka long ba ki don ka jinghun haba ki trei ia ka kam
