Shillong, Kyllalyngkot 22: Ka seng Kylleng Pynden Sohiong Development Association (KPSDA) kala kren bymniaw bha ia ka jingleh jong ka KHADC ba kam shym la lah ban pyndep ia ka surok jong ka UCIL kaba dei ban poi sha ka shnong Mawthabah ia kaba la pyntrei mynta la bun snem.
U Bah H Sangriang u wei na ki nongkit kam katei ka seng u la ong ba na ka liang jong ka dawa ba lada ka KHADC kam lah ban pyndep ia katei ka jingtrei ia ka surok ka UCIL ka dei ban shimti noh bad pyndep ia ka jingtrei kumba la ia kular bad ki paidbah katei ka thain.
Haba ka seng kala ia kynduh ia ki kontraltor ba pyntrei ia katei ka sruok ban ia kren na kaei ka daw ba ki la sangeh ban trei, ka jukbab kaba ki ioh ka long ba ka daw ka long ba kim shym la ioh ia ka bill kaba ki la dep ban pyntrei ha kaba siang ia ka rong kaba ki ong kum ka “First Code”.
La iathuh ba kane ka surok mynta ka la sniew sha ba palat bad ki paidbah ki la shem shitom ha ka leit ka wan na ka daw ba ka KHADC kam shym la pyndep ia kane ka jingtrei kumba la ia kut bad ka UCIL na ka liangjong ki paidbah ka tei ka thain Mawthabah ki dawa ba dei ban pyndep noh ia kane ka jingtrei la ong u bah Sangriang.(SP News)
