Shillong,Kyllalyngkot 23: U President ka Meghalaya Pradesh Congress Committee (MPCC) u Dr DD Lapang ula pynbna ia ka kyrteng jong ki kyrtong ka congress ban iakhun ia ka elekshon MDC jong ka KHADC kaban long ha ka 24 tarik u Rymphang jong u bnai ban wan sha ka iing dorbar jong ka KHADC.
Ki kyrtong kiba la ioh tiket na ka seng Congress ki kynthup ia u bah Victor Ranee na Jirang, u bah Augustine Wahlang na Nongpoh, u bah RB Shadap na Mawhati, u bah Dipul R Ryntathiang na Umsning, u bah Albinus Lyngdoh na Umroi, u bah Marbok Kharpran na Sohryngkham, u bah Banteidor Lyngdoh na Mawkynrew, u bah Jansing Tynsong na Lyngkyrdem Laitkroh, u bah Anthony Kongwang na Nongshken, u bah Pynthymmaibor Chyne na Shella, u bah Pynshngailang Syiem na Mawsynram, u Donevan Wanlang na Sohra, u bah Ronnie V Lyngdoh na Mylliem, ka kong Yalanda R Mylliemngap na Laban Mawprem, u Rocky Hek na Mawkhar Pynthorumkhrah, ka kong Havergail E Bareh na Jaiaw, u bah Teiborlang Pathaw na Mawlai, u bah Lamphrang Blah na Mawphlang Diengiei, u bah HDR Lyngdoh na Nongspung Sohiong, u bah Lawrence Basaiawmoit na Mairang Nongkhlaw, u bah Julius C Diengngan na Pariong Mawthadraishan, u bah Diverland Lyngdoh na Mawkyrwat, u bah Manstudy Nongrem na Langrin, u Dr Adviser Pariong na Nongstoin, u bah Kimfa Marbaniang na Rambrai Jyrngam bad u bah Srally Rashir na Mawshynrut.
U Dr Lapang ula iathuh ruh ba ia ki 3 tylli ki constituency kiba kynthup ia ka Nongkrem, Nongthymmai bad Laitumkhrah Malki ym pat shim ia ka rai iano ban ai ia ka tiket namar ba dang don ki kam ba hap ban ioh jingshai shwa.
Une u heh ka MPCC ula iathuh ruh ba lashai ka sngi pat yn pynbna ia ka thup kyrteng jong ki kyrtong ban iakhun ia ka elekshon MDC ha JHADC bad ka seng Congress kam pat pynbna ia ka kyrteng ki kyrtong ban iakhun ia ka elekshon MDC na GHADC kadei namar ba ia ka samoi treikam jong ka Council la pynjlan sa 6 bnai. (SP News)
