Shillong, Kyllalyngkot 29: Ki riewstad ki Professor jong ka Center for the Study of Social Exclusion and Inclusive Policy, National Law School of India University, Bangalore, ki la pynpaw ia ka jing kyndit bad la lyngoh ngain namar kim pat juh iohsnhgew halor ka jingdon ki Dorbar kiba khlem Liang (partyless khasi democracy), ia kane la pynsngew ha ka jingiakynduh hapdeng u Dr S Japhet, Professor & Director, jong ka Center for the Study of Social Exclusion and Inclusive Policy, National Law School of India University, Bangalore, bad u Bah John F Kharshiing, Co-Chairman, Meghalaya State Planning Board, Chairman, The Grand Council of Chiefs of Meghalaya, Spokesperson, Federation of Khasi States.
Ha Kane ka jingialang kaba la long ha ka 23 Jan 2014, hapoh katei ka skul pule Ain, kaba paw ha Ri India, la ia kren halor ki rukom synshar paidbah bapher bapher, bad kitei ki riewstad ki la kwah ban ioh jingtip shuh halor rukom synshar jong ki Shnong, Dorbar Raid bad Dorbar Hima. Ki la pynpaw ba ha Jan baroh kawei ka pyrthei ka synshar paidbah ka long ha ka nongrim ka jing ialong Liang (ruling bad opposition) katba ha ka khasi democracy ym juh don ‘Ruling ne Opposition’ ki la lyngoh ban tip ba ka rukom jied nongmihkhmat ka long halor ka nongrim ‘uba ioh ia ka mon uba bun ba lang’ ka mut ‘consensus’ Katba ha ka Democracy Ri India ngi jied ha ka nongrim ‘kat uba tam’ ka mut ‘Majority’.
Ki la kwah ban tip kumno la pynshong nongrim ia ka rukom synshar kaba khlem por namar la iathuh u Bah John Kharshiing, ia ki ba ha ka synshar khasi ym huh don san snem bad baroh ki dorbar shnonh, dorbar raid bad dorbar Hima ki hap ban kum Dorbar ha ryngkat ki ‘khun ki hajar’ shisien san snen, bad ki khun ki hajar ki lah ban jied thymmai ia ki nongsynshar shnong, raid bad hima lada ki la, duh ka jingshaniah jong uba bun balang, bad ki la ban shah weng (recall) ha kano kano ka por.
Ki professor ki la Nang kyndit shuh shuh ban iohsngew ba ki peit ki Dorbar Hima bad ym don Election Commission ba khmih peit ia ka election lane ka rukom jied ia ki nongmihkhmat shnong kum ki rangbah shnong bad ki Sordar Shnong.
Ki la Nang lyngoh ban tip bad ban pule shaphang ka jingsahteng ki hok ka jaidbynriew khasi, haba u Bah John Kharshiing, Co-Chairman, Meghalaya State Planning Board, Chairman, The Grand Council of Chiefs of Meghalaya, u la, ai copy ia ki dulir khyndew jong ka Ri ka Instrument of Accession and Annexed Agreement 17 August 1948 (IOA & AA).
Na ka Liang ki professor jong katei ka University, ki la kyrpad ia u Bah John Kharshiing, ban wan ai jingkren ha katei ka skul pule Ain.
Ha katei ka jingiakynduh la don ruh u Dr S Japhet, Professor & Director, Center for the Study of Social Exclusion and Inclusive Policy, National Law School of India University, Bangalore, bad la ia kynduh ruh ia u Dr Bala Gurumurthy, President, Normadic Tribes Mahasabha, u Dr. S. Madheswaran, Adviser, Planning, Govt. Of Karnataka bad kiwei kiwei ki professor jong ka National Law School University.
Rgds, John F Kharshiing, Co-Chairman, Meghalaya State Planning Board, Chairman, The Grand Council of Chiefs of Meghalaya, Spokesperson, Federation of Khasi States.(SP News)
