Shillong, Jymmang 20: Mynta ka sngi 20/Jymmang/2026 ka Meghalaya Health Care Association kala ia snoh kti lang bad ka All India Organisation Of Chemists Drugists kiba la pynlong ia ka jingiakhih ha ka ri baroh kawei da kaba sangeh die dawai ban pynpaw pyrshah ia ka jingailad ka sorkar pdeng ha kine ki saw san snem ban ia die dawai online.
U bah David Kharsati u president ka MHCA haba kren ha ki lat pathai khubor u la ong ba kum ka seng ka don ka jingsngewkhia halor kane ka jingdie online ia ki dawai namar ia ki dawai lah ban die tang hadien ba ki doktor kila ai jingthoh sha kiba donkam ia ki dawai.
Ki nongdie dawai ha Ri India ki don ka jingsngewkhia namar ba bun na ki dawai ba thied online da ki riew paidbah kim dei kiba bha, kum ka seng ka sngewthuh ba ia ka jingim briew ym lah ban ialehkai kumta kane ka jingiakhih ka long ban dawa ba ka sorkar pdeng ka dei ban khang syndon ia ka jingiadie dawai online khnang ba kan nym ktah ia ka koit ka khiah jong ki paidbah.
La iathuh ba ha Meghalaya baroh ki dukan die dawai kila khang lut mynta ka sngi namar ba ki sngewthuh shai ba ia ki dawai dei ban die tang haba la ioh ia ka jingthoh na ki doktor namar kane ka dei kaba ktah ia ka koit ka khiah jong ki briew, la iathuh ba hapoh ka jylla Meghalaya ki dukan die dawai ki don 2600 tylli ha ka jylla baroh kawei.
