Shillong, Jymmang 20: Ka National Career Service Centre for SC/ST (NCSC for SC/ST), Jowai, kaba hap hapoh ka Tnad Labour & Employment, ka Tnad General of Employment, Sorkar India, ka la pynbna ba kan pyntreikam ia ki prokram stipendiary coaching bad jingai jinghikai computer kaba khlem jingsiew na ka bynta ki nongwad kam SC/ST kiba la pynrung kyrteng bad kano kano ka Employment Exchange jong ka jylla Meghalaya. Ia ki jinghikai la buh ban sdang naduh ka 1 tarik u Naitung 2026.
Kum shi bynta kane ka sienjam, la khot aplikeshon na ka bynta ki SC/ST ban rung hapoh saw tylli ki prokram ai jinghikai ba khlem jingsiew, kata: Ka Special Coaching Scheme na ka bynta ki Eksamin rung kam, ka ‘O’ Level Computer Training lyngba ka NIELIT, ka ‘O’ Level Computer Hardware Maintenance Training lyngba ka NIELIT, bad ka CCC Course on Computer Concepts. Ki kandidet kiba shah jied na ka bynta ki lai tylli ki prokram ba nyngkong kin ioh ia ka stipend kaba T. 1,000 shi bnai. Kito kiba leit ia ka prokram CCC kin nym ioh stipend.
Ka Special Coaching Scheme, kaba shisnem, kan kynthup ia ki sobjek kum ka General English, General Awareness, Reasoning, Numerical Ability, Current Affairs, Typing, Stenography, bad Basic Computer knowledge. Ki prokram kiba iadei bad ka computer ruh kin bteng haduh shi snem, lait noh ka prokram CCC, ka ban pynlong haduh ar bnai. Ki nongaplai kidei ban long kiba la pass 10+2 shaneng bad kidei na ki longïing kiba ka jingïoh ha ka shisnem kam palat ïa ka T. 3 lak.
Ki kandidet kiba kwah ban iashim bynta ki lah ban pynpoi ïa ki aplikeshon jong ki ryngkat bad ki kot ki sla ba donkam ha baroh ki sngi treikam ha lane shwa ka 5 tarik u Jylliew 2026 ha National Career Service Centre for SC/ST, District Employment Exchange Office Building, West Jaiñtia Hills District, Jowai. Ki kandidet ki lah ban iashim bynta tang ha kawei ka prokram.
Ha kajuh ka por, ka NCSC for SC/ST, Jowai ka la pan jingmut na ki kynhun kiba la paw bad ki jaka ai jinghikai ha Meghalaya na ka bynta ban pyntreikam ïa ka Special Coaching Scheme kaba shisnem hapoh ka Shorthand na ka bynta 80 ngut ki SC/ST.
Ka jaka ai jinghikai kaba shah jied kan ai jinghikai ha ka General Awareness, General English, Numerical Ability, Shorthand bad Typing bad ka Basic Computer Knowledge ban pynkhreh ia ki kandidet ban iakhun ia ki eksamin rung kam bapher bapher.
Ki jaka ai jinghikai bad ki kynhun kiba biang ki lad ai jinghikai bad ki nonghikai kiba tbit ki lah ban aplai ha lane shwa ka 31 tarik Jymmang 2026 sha u Sub-Regional Employment Officer, National Career Service Centre for SC/ST, District Employment Exchange Office Building, West Jaintia Hills Mehala District, Jowaiya. Ka jaka ai jinghikai ba shah jied kan ioh ia ka jingsiew kaba T. 1200 uwei u kandidet ha ka shibnai.
Ki jaka ai jinghikai/kynhun kiba biang ki lad ai jinghikai bad ki nonghikai kiba tbit ki lah ban phah ia ki jingtyrwa ha lane shwa ka 31 tarik Jymmang 2026 sha u Sub-Regional Employment Officer, National Career Service Centre for SC/ST, District Employment Exchange Office Building, West Jaintia Hills District, Jowai, Meghalaya.
Ïa ki phom bad ki jingtip ba kham bniah lah ban ïoh ruh na ka NCSC for SC/ST Office, Directorate General of Employment, Tnad Labour & Employment, 3rd Floor, DECT Building, Keating Road, Shillong. Na ka bynta ki jingkylli, ki kandidet bad ki jaka ai jinghikai kiba kwah ban iashim bynta ki lah ban phone ha u number 03652-220020 lane 0364-2914127 ha ki por treikam.
