Shillong, Jymmang 27: Ka Meghalaya Social Programmes Welfare Development Organisation (MSPWDO), ha ka jingiatreilang bad ka All Meghalaya Dancers Association (AMDA), kan sa pynlong ia ka jingiakop shad bad rwai na ka bynta ki khynnah skul bad kan long ha ka 1/Nailar/2026 ha ka por 10 baje mynstep ha Soso Tham Auditorium, State Central Library, Shillong bad ki nongiashim bynta kin long tang ki khynnah skul naduh klas 6 haduh klass kaba12.
Haba kren ha ki lat pathai khubor ha Shillong Press Club u bah Kitbok Thabah la ong ba ha kane ka jingiakob kin jied 10 tylli ki kynhun ha ka liang jong ka shad bad 10 tylli ki kynhun ha ka liang jong ka rwai ka siaw.
Kiba kwah ban ia shim bynta ia ki Video ba shad bad kiba rwai ki hap ban phah online bad ia ki phom dei ban ioh ia ka jingmynjur na prinsipal jong ka skul kaba ki pule ia kiba jop kin ai ka khusnam da ka pisa bad ka syrnot.
Ki nongjop ha kane ka jingiakop rwai bad shad kin ioh rung sha ka jingiakop phainal ia ki lah phom ban ioh na Synod Super Market ka dukan number 40 Mawkhar Point kaba don hajan jong ka ieng kali Jaiaw bad Auto Rickshaw Mawlai bad lah ban phong ha une u nombar 7641920853.
Ka kong Manysha Sohtun, kaba dei ka Organising Secretary jong ka MSPWDO, ka kyrpad ia baroh ki skul ba kin phah da ki khynnah skul kiba don ka sap ban shad bad rwai na ka bynta ban iashim bynta. Na ka bynta ki jingtip ba kham bniah bad ban register lah ban phone lane Whatsapp ha kine ki nombar 7641920853/9233018585.
