Shillong, Jylliew 24: Katkum ka jingbthah na u Additional Deputy Commissioner ka Pynursla ha ka 21 tarik Jylliew, 2026 bad ka kaiphod ba la ioh na u Executive Engineer ka tnad PWD shna surok, kala hukum iaki paidbah bad nongleit nongwan ba iaka surok na Laitlyngkot haduh Langkydem.
Yn shah ban iaid na ki surok bah jong ka Laitlyngkot sha Mawlong, Umthli sha Nongthymmai bad Laitkynsew da ka por kata naduh ka 10 baje haduh 4 baje janmiet ha ka por mynsngi bad ha ka por mynmiet, 10 baje haduh 5 baje janmiet.
Katba iaka surok na Laitlyngkot sha Pomlum, yn shah ban iaid tang ki kali bym kit iaki mar ba khia bad na Pomlum sha Mawlieh, yn shah iaid ia baroh ki kali, kynthup iaki kali kit mar khia bad bym kit mar khia.
Yn shah ia baroh ki kali ban iaid kham slem ka por, kata ka Langkydem bad Laitlyngkot naduh 10:30 mynstep bad hadien katei, yn sdang maramot iaka surok da ka kompeni ba dei peit.
La ong ba ha kum kane ka por slap mynta, yn nym shah iaki nongleit nongwan bad ki paidbah ba kin iaid na kane ka surok ha ka por ba slap bad hadien ba dep slap jur bad ha ka por mynmiet.
Katba iaki kali kit nongpang, kali pynlip ding, yn shah ban iaid ha ka por ba khang surok bad ki lah ban phone ha une u mobile nombar 9862251116 na ka bynta ka jingshngain.
