Delhi, Jylliew, 24: Ka Indian Pharmacopoeia Commission (IPC) kala dep pynlong iaka prokram jingai jinghikai kaba ar halor ka rukom wad iaka Ethylene Glycol (EG) bad Diethylene Glycol (DEG) ha ki dawai pynhiar kiba um lyngba ka Gas Chromatography (GC) naduh ka 22 haduh 23 Jylliew 2026 ha la ka campus ha Ghaziabad.
La plie ia katei ka prokram ai jinghikai da u Dr V. Kalaiselvan, Secretary-cum-Scientific Director jong ka IPC, ha ka jingdon lang jong u Rajeev Bhargava, Deputy Drugs Controller (DDC), Department of Drugs Control, Delhi, uba long ruh u kongsan ha katei ka prokram.
Ha ka por ba plie ia katei ka prokram, la ong ba ka long kaba kongsan eh ban kyntiew iaka sap tohkit bad ka jingbishar jong ki laboratori saian sorkar lane ki nongtrei sorkar. Da kaba leh kumne, ka pynthikna ba ki dawai ki long kiba shngain, kiba treikam bha, bad kiba khuid shwa ba kin poi ha ki nongpang.
Ia katei ka prokram ai jinghikai, la iashim bynta da ki hynriew tylli ki ri ka pyrthei kynthup iaka Haryana, Goa, Odisha, West Bengal, Assam bad Meghalaya bad ka ai ruh iaka jinghikai ban tip thik iaka EG bad DEG ha ka rukom ka dawai um da kaba pyndonkam da ka Gas Chromatography.
Ki nongiashim bynta kila pyrshang ban test ia kane da la ki kti jong ki na ka bynta ban pynkhreh ia kine ki dawai, pyndonkam da ki tiar ki tar saian, ki jingthew bad kiwei kiwei.
