Ampati, Naitung 16: Ha ka jingshim ia u mawjam ba kongsan ha kaban pynkshem iaka pule puthi ha ki skul, la don ka jingialang ki kmie ki kpa ha kylleng ka South West Garo Hills ha ka sngi balang kum shi jong ka jingthmu ha ka jylla baroh kawei, ha kaba ki kmie ki kpa bad ki nonghikai kila iasnoh kti lang ban wanrah iaka jingiatreilang na ka bynta ka jingjop ka skul bad jingiar ka pule puthi jong ki khynnah skul.
Ka distrik kala iohi iaka jingiatreilang ba shit rhem na ka liang ki kmie ki kpa, nonghikai bad ki bor ba dep peit iaka skul, ha kaba kala don ka jingkut jingmut ban pynbha iaki jingmih na ka jingpule lyngba ka jingiakren bad jingiatylli man ka por.
Kane ka long ban pyniapher iaka jingmut hapdeng ka skul bad ha iing, da kaba pynthikna ba ki khynnah ki dei ban ioh jingmynsiem bad jingkyrshan ban long kiba tbit haba ki don ha iing skul bad shabar ka iing skul.
Ki skul kynthup iaka Ballonggre SSA UPS, Jholgaon SSA UPS, Wakkagre Kamagre SSA UPS, Dalbotpara A·pal SSA LPS, Jigatalpara SSA LP School bad Indikgre SSA UP School bad kiwei kiwei ki jaka pule ha kylleng katei ka distrik, kila dep pynlong ia kine ki jingialang.
Ha kane ka jingialang, la ong ba ki nonghikai kila iakren shaphang ka jinglehbha jong ki khynnah skul, ka jingpep bad wan skul jong ki, ka akor bad nadong shadong ki kam jong ki bad ki kmie ki kpa, katba la pynshlur ruh iaki ba kin iashim bynta kongsan ha ka pule puthi ki khynnah skul.
Ki kmie ki kpa ruh kila ai ka jingmut kaba kordor bad iasyllok pyrkhat bad ki nonghikai halor ka rukom pynlong ka jaka pule kaba paka bad shongkun khnang ba ki khun kin nang ban pyrkhat bad pule bha.
Ka jinglah ban pynlong iaki jingialang kiba la dep hapdeng ki kmie ki kpa bad ki nonghikai ha baroh ka district ka pyni shai iaka jingtrei tyngeh jong ka tnad pule puthi ban pynkhlain iaka jingiatylli hapdeng ka skul bad ka imlang sahlang, bad ban pynthikna ba u ne ka khynnah baroh u ne ka ioh iaka jinghikai ba bha da ka jingiasnohkti lang ki kmie ki kpa, ki nonghikai, bad ki skul.
