Shillong, Naitung, 16: Ka tnad Obstetrics bad Gynaecology, NEIGRIHMS ha ka jingiatreilang bad ka Shillong Obstetrics bad Gynaecological Society (SOGS), kala pynlong iaka prokram AOGIN-India Interim CME ha NEIGRIHMS, Shillong ha ka 11 tarik, Naitung 2026.
Ka AOGIN (Asia-Oceania research organisation on genital infections & Neoplasia) ka dei ka rynsan ba la paw kaba batai shai shaphang ka jingpang bampong jong ki kynthei ha ka kynhun shongkha lane ba tip ha ka ktien nongwei, ka Gynaecological Cancers.
Ha katei ka prokram, la don haduh 120 ngut ki nongiashim bynta kynthup iaki doktor ba sumar iaki kynthei, kiba la pyndep iaka jingpule ba la heh kyrdan, doktor na ki distrik bapher bapher jong ka jylla Meghalaya lem bad ki nongmihkhmat na kiwei pat ki jylla ka thain shatei lam mihngi kiba la ioh jingmyntoi na kane ka prorkam bad ai jingiarap hangne.
Ka CME kala pynleit jingmut halor ka jingiada na ki jingpang bampong ba ioh ki kynthei lem bad ka jingban jur ba kyrpang halor kane ka jingpang. Ha katei ka prokram, la iakren shaphang ka jingpang bampong kaba lah ban lap kloi bad ban sumar noh mar mar. Ka prorkam halor ki rukom sumar bad ki rukom test kiba bunjait kala ioh iaka jingwan shim bynta kaba shyrkhei kaba bha tam.
Ka nongioh iaka khusnam Padma Shri bad nongkren ha kane ka prokram, ka Dr. Neerja Bhatla, kala pynshai shaphang ka jingiada bad pynduh jait iaka jingpang bampong ha ka ryndang ka pla khun lane cervical cancer.
Ka CME kala pynleit jingmut halor ka jingpang bampong ba iadei bad ka jingpang bampong HPV, ka jingai tika na ka bynta ka jingpang bampong HPV bad ka jinglap shen iaki tika.
U kongsan ha kane ka prokram, u Prof. (Dr.) Nalin Mehta, uba dei u Director ka NEIGRIHMS u la iaroh ia katei ka prokram ba shisien shi snem bad thab kti iaka jingtrei shitom ka tnad ha kaban pynlong ia kane ka prokram kaba iarap ban pyn iapher hapdeng ka jingtest iaka jingpang bampong bad ka jingkloi ban sumar iaka.
