Shillong, Naitung 22: Ka Pipilmoris Wanniang kala pyndep iaka jingiakhun jong ka Upgradation Practical Examination 2026 bad kala shah jied sha ka thup ba 5 kum u referee ka jingialehkai ia kynjat bol.
La pynbna ia kane da ka All India Football Federation mynta ka sngi ha kaba ki referee bad ki nongiarap kum ki referee kiba hap ha ka kyrdan ba 5 ki lah ban pyniaid ne bishar ha baroh ki jingialehkai ba dei kiba ha ka kyrdan ri.
Ka Meghalaya Football Association kala iasnoh lang met bad mynsiem, ha ka jingiatreilang ba iajan bad ka sorkar Meghalaya, na ka bynta ban pynkiew iaka thup ialehkai ha kane ka jylla, naduh ba sdang shaduh ka jingiakop ialehkai kiba la heh la san, ki jingialehkai na ka bynta ki kynthei, pynkiew kyrdan iaki nongbishar bad jingpyniaid iaka jingialehkai ia kynjat bol.
Ha ki bnai ba la dep, ar ngut ki kiwei kila ioh iaka kyrdan ba 5 kum ki referee, kynthup ia u Pynskhemhame Mawthoh bad assistant referee, u Jespar Syiemlieh.
