Shillong, Naitung 22: Ha ka step jong ka 21/Naitung/2026 ki khar bangla kila kiew sha India shaduh Mawkhanshera kaba hap hapoh ka jingpeit ka Mawsynram Police Station kaba jngai kumba 4 kilometer eiei na khappud bad ka Bangladesh,da ka jingthmu ban wan lute sha India.
Katkum ki khubor ba u SP News Agency u la ioh ba kine ki khar bangla kila don bun ngut bad kila ioh ban bat ia kawei ka kali pickup kaba la poi ha katei ka jaka, ki khar bangla ki la pom da ki wait ia ki ar ngut ki briew kiba don ha kane ka kali bad knieh ia u shabi jong ka kali bad ka pisa.
Katkum ki khubor kiba la ioh ki ar ngut kiba la mynsaw la tip kyrteng kum u bah Golbinstar Kurbah na Sohiong bad u Kamal Boro na Udalgiri ka jylla Assam kine ki ar ngut kila lait na ka jingiap da ka jingwan lap noh u nongniah ba niah ia ka JCB jong kawei ka kompeni.
Kane ka jaka ba jia ka long ha lynti ban leit sha Hatmawdon bad ban leit sha Pyrkan, ha kane ka jaka Mawkhanshera kila ju jia na ka por sha ka por ka jingshah lute jong ki kali kiba iaid ha kane ka lynti ha ki khar bangla kiba ju kiew sha India ban wan lute.
