Shillong, Naitung 25: Ka sorkar Meghalaya bad ka Don Bosco Media Network kila pdiang burom ia u Kitkupar Nongsiej ha Khyndailad, Shillong ha kaba ka nam kaba u la wallam u la jop kum u ‘International Vocal Champion’ ha ka lympung WCOPA 2026 ba la long ha Las Vegas, USA.
Ki nongialam ba don lang ha kane ka prokram ki long u u Fr. Michael Makri bad u Bah Raja War Nongbri na ka Directorate of Sports and Youth Affairs. Katba ki nongrwai ba pawnam kum ka Chemina Lyngdoh Mawphlang bad ka Sheleyah N. Jyrwa kila wan ban ai jingshad jingrwai ban pynshongkun ia kane ka sngi.
U bah Kitkupar Nongrum u la pynpaw iaka jingsngewnguh kaba khraw iaka Sorkar Meghalaya, khamtam ia u Myntri Rangbah, u Conrad K. Sangma, bad iaka Directorate of Sports and Youth Affairs, ryngkat ki kmie ki kpa bad ki paralok namar ka jingkyrshan banylla kaba la pynlong ia u ban iashim bynta ha ka World Championships of Performing Arts ha United States.
U bah Kitkupar u kynmaw ieit iaka lynti iaid jong u naduh ka sngi kaba u la jop ha ka Sur Kynud Season 3 kaba la pynlong da ka Don Bosco Media Network Television, kaba la plie iaka lad bad ka lynti ban poi sha ka rynsan kaba khraw.
U Fr. Michael Makri, haba ai iaki kyntien sngewnguh, u la ong ruh ba ka Shellevah N. Jyrwa, kaba la jop ha ka Sur Kynud Season 4, ka la register ban iashim bynta ha ka Britain’s Got Talent bad ka thmu ban leit sha England ha u bnai Risaw 2026 lada ka ioh ban leit ha ki audition.
Ka jingjop jong u samla Kitkupar ha ka WCOPA 2026 ka long ka nuksa bad ka jingpynshlur kaba khraw iaki samla dong bad ki samla ka thain shatei lam mihngi baroh kawei ban pynurlong iaki thong jong ki.
