Shillong, Naitung 28: Ka Election Commission jong ka Ri India kala ai ia ka jingmynjur ban pynkha thymmai sa 98 tylli ki jaka thep vote ha ka jylla da kane ka jingmynjur ka jylla Meghalaya mynta ki jaka thep vote baroh ki long 3637 tylli.
Ka District kaba ioh bun eh ki Poling Station bathymmai ka dei ka West Garo Hills 35 tylli bud sa ka East Khasi Hills 21 tylli, ka North Garo Hills 14 tylli, West Jaintia Hills 12 tylli, South West Khasi Hills 5 tylli, Ri Bhoi 4 tylli, West Khasi Hills 2 tylli, South Garo Hills 2, South West Garo Hills 1, East Jaintia Hills 1, East Garo Hills 1 katba ka Eastern West Khasi Hills kam shym la ioh Poling Station bathymmai.
Na ki jaka thep vote ba ju don mynshuwa ki don la ka jong shynrang bad kynthei hynrei mynta la pynlong noh ban don tang kawei ka jaka thep vote ha kaba ki shynrang bad kynthei ki thep vote lang hajuh ki don12 tylli bad kane ka long tang ha East Khasi Hills District bad ka jingdon ki jaka thep vote shuwa ban ioh ia kine ki jaka thep vote bathymmai ki long baroh 3551 tylli.
Ka jingdon ki jaka thep vote baroh hadien ba la ioh sa kine ki 98 tylli ki jaka thep vote ki long 3637 tylli ki jingdon ki jaka thep vote katkum ki distrik West Jaintia Hills 325, Ri Bhoi 338, kaba bun eh dei ka East Khasi Hills ka don 1030, ka West Khasi Hills 195, East Garo Hills 187, West Garo Hills 582, South Garo Hills 173, East Jaintia Hills 158, South West Khasi Hills 148, North Garo Hills 190, South West Garo Hills 169, Eastern West Khasi Hills 142 tylli baroh ki long 3637 tylli.
