Shillong, Nailar, 19: Mynta ka sngi, ki paidbah ka Hima Langrin kila leit tur sha ophis jong ka KHADC ban pan jingpynshai haba iadei bad ka jingbym phah ka District Council ba ki Hima kin don ia u nongai jingtip. Kane ka long khnang ba ki khun ki hajar jong ka Hima kin tip. Uwei na ki riew rangbah ba la wan iashim bynta u la ong ba u Syiem ba ka District Council kala thung biang u shym la buh ia uta u ophisar.
Kawei pat ka bynta ba pyn bitar iaki ka long ba ym ju ai jingkhein iaka jingmih jong ka Hima hynrei la shu ai tang iaki iew ki hat ba ai wai shisien shi snem kaba lum na kiwei kiwei ki jinglum ym ju pynpaw sha ka Hima ne ka District Council, khamtam lei iaka pisa ba ka sorkar ka siew iaka bai jaka ban shna surok kaba ka Hima ka dei ban ioh 50 persen kaba mut T. 7 klur, hynrei kane kam shai.
Ha kane ka sngi da ki spah ngut ki paidbah kila poi ban leit tur sha District Council hynrei, na ka liang jong ka District Council kala khang iaka khyrdop bad pynap da ki pulit khnang ba ki paidbah kin nym ioh ban rung ha phyllaw jong ka District Council.
Kumba ka paw na ka jingpyrta kine ki paidbah ba la leit tur sha District Council ka long ba ki kwah ban ioh iaka jingshai ha kaba iadei bad ki kam Hima. Kane ka dei ka jingkwah jong ki khun ki hajar ka Hima Langrin, la sngewthuh ba mynta kin nang ap iaka jubab na ka District Council iaka jingshai kaba ki kwah ban ioh.
